ગૂગલે આ વર્ષે પ્લે સ્ટોરમાંથી એક હજારથી વધુ એપ્સને દૂર કરી છે. જેમાંની ઘણી એપ્લિકેશનમાં એડવેર, અથવા માલવેર હોવાના કારણે દુર કરવામાં આવી છેગૂગલ પ્લે સ્ટોર પરથી એવી પણ અનેક એપ દુર કરાઇ છે જે યુઝરની જાણકારી વિના તેમની ચેટ અને લોકેશન રેકોર્ડ કરતી હતી. આમ તો ગુગલ સતત એપ્સ પર વોચ રાખે છે અને વાંધાજનક કે જોખમી એપને હટાવવાની પ્રોસેસ ચાલુ રાખે છે.
જોકે જાણકારોના મતે 2019માં હટાવાયેલી એપ્સમાંથી 29 જેટલી એપ્સને સૌથી 'ખતરનાક' માનવામાં આવી છે. આ એપ્લિકેશન યુઝર્સના ફોટા ચોરતી હતી. ગૂગલે આ એપ્લિકેશનને પ્લે સ્ટોરથી દૂર કરી છે તેથી નવા હવે કોઇ યુઝર તેને ડાઉનલોડ નહીં કરી શકે. પરંતુ દુનિયાભરના લાખો લોકોના મોબાઇલમાં આ એપ હજુ છે. મોટાભાગના યુઝર્સને આ એપ જોખમી છે તેની જાણકારી સુધ્ધાં નથી.
આ ખતરનાક એપ્સમાં સેલ્ફી કેમેરા પ્રો,પ્રો કેમેરા બ્યૂટી, પ્રિઝમ ફોટો ઇફેક્ટ્સ,ફોટો એડિટર,ફોટો આર્ટ ઇફેક્ટ્સ, હોરાઇઝન બ્યૂટી કેમેરા,કાર્ટૂન ફોટો ફિલ્ટર્સ,કાર્ટૂન ઇફેકટ એપ,કાર્ટૂન આર્ટસ ફોટોઝ,કાર્ટૂન આર્ટ ફોટો,કાર્ટૂન આર્ટ ફોટો ફિલ્ટર્સ,ઓસમ કાર્ટૂન આર્ટ,આર્ટફ્લિપ ફોટો એડિટિંગ,આર્ટ ફિલ્ટર,આર્ટ ફિલ્ટર ફોટો,આર્ટ ફિલ્ટર્સ ફોટો ઇફેક્ટ્સ,આર્ટ ફિલ્ટર ફોટો એડિટર,આર્ટ ઇફેક્ટ્સ ફોર ફોટો,આર્ટ એડિટર, વોલપેપર એચડી,સુપર કેમેરા,પિક્ચર,મેજિક આર્ટ ફિલ્ટર ફોટો એડિટર,ફિલઆર્ટ ફોટો એડિટર,ઇમોજી કેમેરા,બ્યૂટી કેમેરા,આર્ટિસ્ટિક ઇફેકટ ફિલ્ટર તથા આર્ટ ઇફેકટ એપનો સમાવેશ થાય છે. જો તમે આમાંથી કોઈપણ એપ્લિકેશનનો ઉપયોગ કરો છો, તો તરત જ અનઇન્સ્ટોલ કરો.
તાજેતરમાં ગૂગલ પ્લે સ્ટોર પર 49 નવી એપ્લિકેશનો મળી આવી હતી જે ગૂગલની સિકયુરિટી સિસ્ટમને પણ ચકમો આપી રહી હતી.જેમાં મોટાભાગની થર્ડ પાર્ટી ફોટો અને ગેમિંગ એપ્લિકેશન હતી. આ વાયરસ ધરાવતી એપ યુઝર્સને જબરદસ્તીથી એડ બતાવતી હતી. ટ્રેન્ડમાઇક્રોના રિપોર્ટ અનુસાર આ એપ્સ 30 લાખ વખત ડાઉનલોડ કરવામાં આવી હતી