અમદાવાદમાં કેન્સર કોન્કલેવમાં ચિંતાજનક ખુલાસો હવે સામે આવ્યો છે. ભારતમાં મોઢાના કેન્સરનું અમદાવાદ હવે હબ બન્યું હોવાનો રિપોર્ટમાં ખુલાસો થયો છે. અમદાવાદમાં યોજાઇ રહેલી કેન્સર કોન્ક્લેવમાં કેન્સરના નિષ્ણાત ડોક્ટર્સ દ્વારા આ ખુલાસો કરવામાં આવ્યો છે.
શબેરમાં 16મીથી બે દિવસીય ઇન્ડિયા કેન્સર કોન્ફરન્સ CBCC કેન્સર કોન્ક્લેવનો પ્રારંભ થયો છે. જેમાં
નિષ્ણાત ડોક્ટરો દ્વારા કેન્સરને લઈ ખુલાસો થયો છે કે ગૂટકા સિગારેટના વધી રહેલા વ્યસનને કારણે કેન્સરનું પ્રમાણ દિવસે ને દિવસે વધ્યું છે.
ભારતમાં દર વર્ષે 12 લાખ કેસ નવા નોંધાઈ રહ્યા છે. કેન્સરના કુલ કેસોમાંથી 30 ટકા કેસ મોઢાના કેન્સરના નોંધાઈ રહ્યા છે. ખાસ કરીને આ પ્રમાણ પુરૂષોમાં વધારે નોંધાઈ રહ્યું છે. જ્યારે મહિલાઓમાં 40% બ્રેસ્ટ કેન્સરના કેસ જોવા મળે છે. ડોક્ટરના જણાવ્યા અનુસાર મહિલાઓમાં હવે બ્રેસ્ટફિડીંગ કરાવવાનું પ્રમાણ ઘટી રહ્યું છે સઅને આ કારણે બ્રેસ્ટ કેન્સરના કેસોમાં વધારો થઇ રહ્યો છે. માતા બન્યા બાદ મહિલાઓએ ઓછામાં ઓછા 6 મહિના બાળકોને બ્રેસ્ટ ફીડિંગ કરાવવું જોઇએ.
ઉલ્લેખનીય છે કે દર વર્ષે મહિલા દર્દીની સરખામણીએ પુરુષ કેન્સરના દર્દીઓનું મૃત્યુનું પ્રમાણ વધારે છે.