ટ્રાવેલ / આ છે ભારતનાં 10 સૌથી નયનરમ્ય વોટરફોલ

હોગેનક્કલ ફોલ, તમિલનાડુ 

આ વોટરફોલ તમિલનાડુનાં ધરમપુરમાં આવેલું છે. ચેન્નઈથી 330 કિમી દૂર આવેલું છે. ચેન્નાઈની આસપાસનાં વિસ્તારોમાં રહેતા લોકોમાં આ જગ્યા ખુબ જ લોકપ્રિય છે. આ વોટરફોલને ભારતનું નાયગ્રા કહેવામાં આવે છે. 

નોહકલીકઈ ફોલ્સ, મેઘાલય

મેઘાલયમાં નોહકલીકઈ ફોલ્સ આવેલા છે જે ભારતમાં સૌથી ઊંચા વોટર ફોલ્સમાં પાંચમાં સ્થાને છે. ચેરાપૂંજીથી માત્ર 7 કિમી દૂર આ જગ્યા લોકપ્રિય ટૂરિસ્ટ પ્લેસ બની ગઈ છે. આ ફોલની પાસે એક લીકાઈ નામની છોકરીએ છલાંગ લગાવી લીધી હતી જે બાદ આ વોટરફોલનું નામ તેના નામ પરથી રાખવમાં આવ્યું છે. 

અથીરાપલ્લી ફોલ્સ, કેરળ 

કેરળ ભારતનાં સૌથી સુંદર રાજ્યોમાં એક છે. અહી ટૂરિઝમ પણ ખુબ છે, સાથે સાથે વોટરફોલની વાત કરીએ તો આખા કેરળમાં ઘણા બધા વોટરફોલ્સ આવેલા છે. પરંતુ આ બધા વોટરફોલ્સમાં અથીરાપલ્લી સૌથી અલગ છે. અહીં 80 ફૂટની ઊંચાઈથી પાણી પડે છે જેને કારણે તે લોકોનાં મનને મોહી લે છે. 

ધુઆંધાર ફોલ્સ, મધ્યપ્રદેશ 

જબલપુરથી 30 કિમી દૂર ભેડાઘાટમાં આ ફોલ્સ આવેલા છે. આ વોટરફોલની ઊંચાઈ લગભગ 98 ટકાની છે અને નર્મદા નદીમાં તે પડે છે. 

ચિત્રકૂટ ફોલ્સ, છત્તીસગઢ 

છત્તીસગઢનાં બસ્તર જીલ્લમાં ઇન્દ્રાવતિ નદીની ઉપર આવેલા આ ઝરણાંનાં કારણે તેને પણ ભારતનું નાયગ્રા અમુક લોકો કહે છે. આ અદ્ભુત ઝરણાંનાં પડવાની આવાજ કેટલાય કિલોમીટર દૂરથી પણ સાંભળી શકાય છે અને તેની ઊંચાઈ લગભગ 95 ફૂટની છે. 

દૂધસાગર ફોલ્સ, ગોવા 

આ ઝરણું ગોવાની રાજધાની પણજીથી 60 કિમી દૂર આવેલું છે. માંડવી નદીમાં બનેલાં આ ઝરણાંની ઊંચાઈ 310 મીટર અને પહોળાઈ 30 મીટર છે. જ્યારે આ ઝરણાંમાં પાણી ગતિમાં પડે છે ત્યારે દૂધ જેવું સફેદ જ દેખાય છે જે બાદ આ ઝરણાંનું નામ દૂધસાગર રાખી દેવામાં આવ્યું. ચોમાસામાં સમયમાં આ ઝરણાંની સુંદરતા જોવાલાયક હોય છે. 

જોગ ફોલ્સ, કર્ણાટક 

કર્ણાટકમાં આવેલા આ વોટરફોલ પાંચ ઝરણાંનું સમૂહ છે. શ્રાવતી નદી જ્યારે 829 ફૂટથી નીચે પડે છે ત્યારે રાજા, રાણી, રોઅરર અને રોકેટ એમ ચાર અલગ અલગ ઝરણાંઓમાં બદલાઈ જાય છે. આ ભારતનું સૌથી ઊંચું ઝરણું છે. આ ઝરણાંને ગેરુસપ્પા ઝરણાંથી પણ ઓળખવામાં આવે છે. 

ખંડધાર ફોલ્સ, ઓડીશા 

ઓડીશામાં આવેલા ઝરણાંઓમાં તે સૌથી સુંદર ઝરણું છે જે સુંદરગઢનાં લીલા જંગલોની વચ્ચે આવેલું છે. 

શિવનાસમુદ્ર ફોલ્સ, કર્ણાટક 

કર્ણાટકનાં ચામરાજનગરમાં આ સુંદર વોટરફોલ્સ આવેલ છે. વિશ્વનું 16મુ અને ભારતનું બીજું સૌથી મોટું ઝરણું છે, આ ઝરણું કાવેરી નદીને બે ભાગમાં વહેચે છે જેથી બે ઝરણાં નીકળે છે. ઝરણું બેન્ગ્લુરુંથી 130 કિમી દૂર છે.