અનોખું / ભારતીય રેલવેએ મચ્છર મારવા માટે ચલાવી સ્પેશિયલ ટ્રેન, હવે ચિકનગુનિયા અને ડેન્ગ્યૂનો થશે ખાત્મો!

• દિલ્હીથી મચ્છર મારવાની સ્પેશિયલ ટ્રેન દોડાવવામાં આવી
• ડેન્ગ્યુ અને ચિકનગુનિયાના આતંકને ઓછો કરવા પગલું ભર્યું
• ટ્રેકની બાજુમાં દવાઓનો છંટકાવ  કરવામાં આવશે

દેશમાં હવે હવામાનની પેટર્ન બદલાઈ રહી છે. ઉનાળો અને વરસાદ પછી, શિયાળો હવે ટકોરા મારવા માટે તૈયાર છે. આ તે સમય છે જ્યારે ઉત્તર ભારતમાં ડેન્ગ્યુ અને ચિકનગુનિયાનો આતંક વધ્યો છે. આવી સ્થિતિમાં ભારતીય રેલવેએ પણ આ મચ્છરને ખતમ કરવા માટે કમર કસી લીધી છે. તો શુક્રવારે દિલ્હીથી મચ્છર મારવાની સ્પેશિયલ ટ્રેન દોડાવવામાં આવી હતી.

6 અઠવાડિયામાં 12 વખત ચાલશે ટ્રેન
મચ્છર કિલિંગ ટર્મિનેટર ટ્રેનને નવી દિલ્હી રેલવે સ્ટેશનથી લીલી ઝંડી આપવામાં આવી હતી. આ ટ્રેન 6 અઠવાડિયામાં કુલ 12 વખત ચલાવવામાં આવશે. મચ્છરના સંવર્ધનની મોસમમાં તેના દ્વારા અઠવાડિયામાં બે વખત જંતુનાશક દવાનો છંટકાવ કરવામાં આવશે. તેનો હેતુ એ છે કે ટ્રેનના પાટા પાસે મચ્છરોનો ઉછેર ન થાય.

मच्छर मार टर्मिनेटर ट्रेन (मॉस्क्विटो टर्मिनेटर ट्रेन) को आज नई दिल्ली रेलवे स्टेशन से हरी झंडी दिखाकर रवाना किया गया। 6 सप्ताह में कुल 12 बार यह ट्रेन चलायी जाएगी मच्छर प्रजनन के मौसम में प्रत्येक सप्ताह मे दो बार कीटनाशकों का छिड़काव किया जाएगा। pic.twitter.com/vSS286CFX9

— DRM Delhi NR (@drm_dli) September 16, 2022

ટ્રેકની આસપાસ દવાનો છંટકાવ થશે
જણાવી દઈએ કે આ ટ્રેનમાં એકપણ ડબ્બો નથી. તેમના પર હાઈ પ્રેશર વાળા ટ્રક ઉભા રાખવામાં આવ્યા છે. આ ટ્રકોનું કામ મચ્છર ભગાડવાની દવા છંટકાવ કરવાનું છે. આ દરમિયાન ટ્રેનની સ્પીડ પણ માત્ર 20 કિલોમીટર પ્રતિ કલાકની જ રહે છે. ડેન્ગ્યુ, ચિકનગુનિયા અને મેલેરિયાથી બચવા માટે દર વર્ષે મચ્છર મારવાની આ ખાસ ટ્રેન દોડાવવામાં આવે છે. તે ટ્રેકની બાજુમાં દવાઓનો છંટકાવ કરે છે.

ઝૂંપડપટ્ટી વિસ્તારોને થશે રાહત
આ ટ્રેન હજારો લોકોને ચિકનગુનિયા અને ડેન્ગ્યુથી બચાવવામાં ખૂબ મદદરૂપ સાબિત થશે. અધિકારીઓના જણાવ્યા અનુસાર તેનાથી લાર્વા તો ખતમ થશે જ સાથે સાથે મચ્છરને પણ બેઅસર કરી શકાશે. રેલવે ટ્રેક પર ઝૂંપડપટ્ટીમાં રહેતા મોટી સંખ્યામાં લોકો માટે આ એક રાહતના સમાચાર છે. ઘણા વિસ્તારોમાં ઘરોમાંથી નીકળતું ગંદુ પાણી રેલવે ટ્રેક પાસે એકઠું થાય છે.