પંચમહાલ જિલ્લાની મોરવાહડફ બેઠક પર 24 રાઉન્ડના અંતે ભગવો લહેરાયો હતો.
મોરવાહડફ બેઠક ઉપર ભાજપની જીત
નિમિષા સુથાર 45 હજાર 557 મતથી જીત્યા
સુરેશ કટારાને 21 હજાર 669 મત મળ્યા
ઉલ્લેખનીય છે કે, મોરવાહડફના ધારાસભ્યનું નિધન થતાં તાજેતરમાં આ બેઠક માટે પેટાચૂંટણી 17 એપ્રિલના રોજ યોજાઇ હતી. જેમાં ભાજપ અને કોંગ્રેસ વચ્ચે ભારે રસાકસી બાદ ભાજપના ઉમેદવાર નિમિષા સુથાર વિજેતા થયાં હતા.
જાણો કોને મળ્યા કેટલા મત ?
આજે સવારથી યોજાયેલ મતગણતરીમાં અંતિમ 24 રાઉન્ડના અંતે ભાજપના ઉમેદવાર નિમિષા બહેન સુથારને 67 હજાર 101 મત મળ્યા હતા જ્યારે કોંગ્રેસના ઉમેદવાદવાર સુરેશ કટારાને 21 હજાર 669 મત મળ્યા હતા. આમ ભાજપના ઉમેદવાર 45 હજાર 557 મતથી જીત્યા હતા.
ભાજપ પ્રદેશ પ્રમુખે આપ્યા અભિનંદન
મોરવા હડફની પેટાચૂંટણીમાં ભાજપની જીત બદલ ભાજપ પ્રમુખ સી.આર.પાટીલે ઉમેદવાર નિમિષા સુથાર અને કાર્યકર્તાઓને અભિનંદન પાઠવ્યા હતા. આ સાથે જ
ભાજપના વિજયની ઉજવણી ના કરવાની કાર્યકર્તાઓને સૂચના આપી હતી.
ભૂપેન્દ્ર ખાંટનું નિધન થતા બેઠક ખાલી પડી હતી
મહત્વનું છે કે, મોરવા હડફના ધારાસભ્ય ભૂપેન્દ્ર ખાંટ ખોટા પ્રમાણપત્રને લઇ સસ્પેન્ડ કરવામાં આવ્યા હતા. ખોટા પ્રમાણપત્રનો મામલો સુપ્રીમકોર્ટ સુધી પહોંચ્યો હતો. જોકે બાદમાં ભૂપેન્દ્ર ખાંટનું નિધન થયું હતું. ભૂપેન્દ્ર ખાંટનું નિધન થતા બેઠક ખાલી જાહેર કરાઇ હતી.
કોરોના સંકટ વચ્ચે યોજાઇ મોરવાહડફની ચૂંટણી
મોરવા હડફ વિધાનસભા પર કુલ 2 લાખ 19 હજાર 185 મતદારો છે. મતદાન માટે કુલ 124 જેટલા માઈક્રો ઓબ્ઝર્વરની નિમણૂક કરાઈ હતી. આ સાથે જ 60 જેટલા મતદાન મથકો પર લાઈવ વેબકાસ્ટિંગ પણ કરાયું હતું. કોરોનાની મહામારીને લઈને પણ ચૂંટણીપંચે કોવિડ ગાઈડલાઈન પ્રમાણે 400 થર્મલ ગન, માસ્કની વ્યવસ્થા ગોઠવવામાં આવી હતી. તો 2 લાખ 25 હજાર પોલીથીન હેન્ડલ ગ્લોઝ મતદારો આપવામાં આવ્યા હતા.