આદર્શ ગામ / ગુજરાતનું આ ગામ ખરા અર્થમાં 'વિકાસશીલ ગામ', મોટા મોટા શહેરોમાં નથી તે સુવિધા છે અહીં

• ગામના મુખ્ય માર્ગો પર સીસીટીવી કેમેરા લાગેલા
• આધુનિક સમયમાં મોટા મોટા શહેરોમાં જે સુવિધા જોવા ન મળે તેવી સુવિધા
• તમામ નાના-મોટા સરકારી કે બેન્કને લાગતા કામો સરળતાથી થાય છે

ગીર સોમનાથ ના કોડીનાર તાલુકાનું મોરવાડ ગામ સ્વચ્છ અને સ્વસ્થ ગામ  છે. આ ગામના મોટા ભાગના રહીશો શિક્ષિત છે. ગામના મુખ્ય માર્ગો પર સીસીટીવી કેમેરા લાગેલા છે. અંદાજે બે હજારની વસ્તી ધરાવતું મોરવાડ ગામનો મુખ્ય વ્યવસાય ખેતી હોવા છતાં શિક્ષણની સાથે વિજ્ઞાન અને ટેકનોલોજીથી જોડાયેલા રહે છે. આ ગામમાં સરકારની વિવિધ યોજનાઓનો પૂર્ણ પણે અમલ થાય છે. તો ગામના ગ્રેજ્યુએટ યુવાન સરપંચ દ્વારા તેમના સાથી સદસ્યોના સહકારથી ગામ લેવલે ઉડીને આંખે વળગે તેવી યોજના અમલમાં મૂકે છે.

આધુનિક સમયમાં મોટા મોટા શહેરોમાં જે સુવિધા જોવા ન મળે તેવી સુવિધા

બે હજારની વસ્તી ધરાવતું નાનું એવું કોડીનાર તાલુકાનું મોરવાડ ગામ આદર્શ ગામ બને તે માટે ગામના દરેક લોકો સહકાર આપે છે. તેમજ ગ્રામ પંચાયત દ્વારા પણ સરકારમાં યોગ્ય રજૂઆતો કરેલ છે. આધુનિક સમયમાં મોટા મોટા શહેરોમાં જે સુવિધા જોવા ન મળે તે આ નાના એવા ગામમાં જોવા મળે છે. જેમકે સીસીટીવી, દરેક શેરીઓમાં સ્ટ્રીટ લાઈટો,સ્વચ્છ અને સુંદર રસ્તાઓ તેમજ ગામમાં જ સરકારી યોજનાઓનો લાભ છેલ્લા ત્રણેક વર્ષથી આવેલી નવી પંચાયતની બોડીથી ગામ લોકો અત્યંત ખુશ છે.

તમામ નાના-મોટા સરકારી કે બેન્કને લાગતા કામો સરળતાથી થાય છે

ગામના યુવા સરપંચની નેમ છે કે મોરવાડ ગામને ગુજરાતના આદર્શ ગામોની યાદીમાં ટોચ પર મૂકવું અને ગ્રામવિકાસ લક્ષી વિવિધ યોજનાઓનું અમલીકરણ કરવું તેમાં ગામ લોકોનો પુરે પૂરો સહકાર છે. ખાસ કરીને પંચાયત દ્વારા ગામમાં જનસુવિધા કેન્દ્ર છે. તેનાથી ગામ લોકોને ખુબજ ફાયદો થાય છે. કારણ કે ગામના કોઈપણ માણસને સરકારી અથવા તો બેન્કના કામ માટે કોડીનાર તાલુકા મથકે જવું પડતું પરંતુ આ જનસુવિધા કેન્દ્રથી તમામ નાના-મોટા સરકારી કે બેન્કને લાગતા કામો સરળતાથી થઈ જાય છે.