બ્રેકિંગ ન્યુઝ
Last Updated: 07:41 PM, 16 January 2025
ફિફા વર્લ્ડ કપ 2024 ઉઝબેકિસ્તાનમાં યોજાયો હતો, તેના વિશે દર્શકોમાં ભારે ઉત્સાહ હતો. હવે 2030 માં તેનું આયોજન મોરોક્કો, સ્પેન અને પોર્ટુગલમાં થશે. આ પહેલા તેનાથી સંબંધિત એક ચોંકાવનારી માહિતી સામે આવી છે. આ વર્લ્ડ કપના આયોજન માટે આફ્રિકન દેશો તેમના શહેરોને સાફ કરવાની યોજના બનાવી રહ્યા છે, જેમાં 30 લાખ કૂતરાઓનું બલિદાન આપવામાં આવશે. આ અંગે વિશ્વભરના લોકોમાં ઘણો ગુસ્સો છે અને ઘણી જગ્યાએ વિરોધ પ્રદર્શનો થઈ રહ્યા છે.
ADVERTISEMENT
ADVERTISEMENT
ફિફા વર્લ્ડ કપ 2030 મોરોક્કો, સ્પેન અને પોર્ટુગલમાં આયોજિત થશે. આ ઇવેન્ટ માટે આ દેશો તેમના શહેરોને સાફ કરવાની યોજના બનાવી રહ્યા છે. આ માટે, 30 લાખ કૂતરાઓને મારવાનું લક્ષ્ય રાખવામાં આવ્યું છે. પ્રાણી કલ્યાણ કાર્યકરોએ આરોપ લગાવ્યો છે કે આમાં અમાનવીય પદ્ધતિઓ પણ સામેલ છે. રિપોર્ટમાં દાવો કરવામાં આવ્યો છે કે આ શહેરોમાં કૂતરાઓને ઝેર આપવામાં આવે છે, ગોળી મારી દેવામાં આવે છે અથવા પીડાદાયક સાધનોનો ઉપયોગ કરીને પકડી લેવામાં આવે છે અને પછી તેમને નિર્દયતાથી મારી નાખવામાં આવે છે.
આ પ્રથાનો વિરોધ કરતા લોકોએ જણાવ્યું હતું કે કૂતરાઓને ઇલેક્ટ્રિક શોક પણ આપવામાં આવે છે અને તેમને જીવલેણ નુકસાન પહોંચાડવા માટે પાણીનો છંટકાવ પણ કરવામાં આવે છે. ઇન્ટરનેશનલ એલાયન્સ ફોર એનિમલ વેલ્ફેર એન્ડ પ્રોટેક્શન (IAWPC) એ દાવો કર્યો છે કે મોરોક્કન અધિકારીઓ દ્વારા આવી પ્રવૃત્તિઓ બંધ કરવાના આશ્વાસન બાદ હત્યા પહેલા કરતા વધુ વધી ગઈ છે.
પ્રખ્યાત સંરક્ષણવાદી જેન ગુડઓલે શહેરોને સાફ કરવા માટે કૂતરાઓના બલિદાનનો વિરોધ કરતા FIFA સેક્રેટરી જનરલ મેટિયસ ગ્રાફસ્ટ્રોમને પત્ર લખ્યો છે, જેમાં કૂતરાઓની હત્યાને બર્બરતાનું ભયાનક કૃત્ય ગણાવ્યું છે અને FIFAના મૌનની પણ ટીકા કરી છે. તેમાં એમ પણ લખ્યું છે કે વિશ્વભરના ફૂટબોલ ચાહકો જેમાંથી ઘણા પ્રાણી પ્રેમી છે, આ ક્રૂરતા વિશે જાણીને ચોંકી જશે. રખડતા કૂતરાઓની વસ્તીને નિયંત્રિત કરવા માટે માનવીય વિકલ્પો છે અને આંતરરાષ્ટ્રીય સંસ્થાઓ આ કાર્યક્રમોને અમલમાં મૂકવામાં મદદ કરી રહી છે.
તેમણે FIFA ને આ કેસમાં હસ્તક્ષેપ કરવા વિનંતી કરી અને સૂચન કર્યું કે જો હત્યાઓ ચાલુ રહે તો મોરોક્કોના યજમાન અધિકારો પર પુનર્વિચાર કરવો જોઈએ; રખડતા કૂતરાઓ સામેની ઝુંબેશ મોરોક્કન કાયદાઓનું પણ ઉલ્લંઘન કરે છે, જે શેરી પ્રાણીઓની હત્યા પર પ્રતિબંધ મૂકે છે. જે શેરી પ્રાણીઓની હત્યા પર પ્રતિબંધ મૂકે છે, કાર્યકરોએ એવો પણ દાવો કર્યો છે કે અધિકારીઓ આ નિયમોની અવગણના કરી રહ્યા છે અને સ્થાનિક પોલીસ પણ તેના પ્રત્યે આંખ આડા કાન કરી રહી છે.
વધુ વાંચો : OMG! આ તો શ્વાન છે કે ચિત્તો? રફ્તાર એવી કે જોનારાની પણ નજર ચૂક થઇ જાય, જુઓ વાયરલ Video
રિપોર્ટ અનુસાર, એવું જાણવા મળ્યું છે કે વર્ષ 2022 ના એક નિર્ણયમાં એક ગવર્નરને કૂતરાઓને મારવાનું કાવતરું ઘડવા બદલ દંડ ફટકારવામાં આવ્યો હતો, પરંતુ મોરોક્કોને વર્લ્ડ કપનું આયોજન કરવાની જાહેરાત કરવામાં આવી ત્યારથી હત્યાઓમાં વધારો થયો છે. આ વિવાદે ફરી એકવાર FIFA ને ચર્ચામાં લાવી દીધું છે, તેનો વિરોધ ફક્ત મોરોક્કોમાં જ નહીં પરંતુ સમગ્ર વિશ્વમાં થઈ રહ્યો છે, તેથી અધિકારીઓ આ અંગે શું નિર્ણય લે છે તે જોવું રસપ્રદ રહેશે.
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.