રાજકોટમાં ઠંડીમાં વધારો થતાં જિલ્લા શિક્ષણાધિકારી બી એસ કૈલા દ્વારા લેવાયો મહત્વનો નિર્ણય, સવારની શાળાઓમાં 1 કલાક સમય મોડો કરવા અપાઈ છૂટ
રાજકોટમાં ઠંડીમાં વધારો થતા લેવાયો નિર્ણય
સવારની શાળાઓમાં 1 કલાક સમય મોડો કરવા અપાઈ છૂટ
જિલ્લા શિક્ષણાધિકારી બી એસ કૈલા દ્વારા લેવાયો નિર્ણય
ગુજરાતમાં ફરી એકવાર કડકડતી ઠંડીનો અહેસાસ થઈ રહ્યો છે. જોકે હજુ પણ બે દિવસ ઠંડીનો ચમકારો જોવા મળશે. ઠંડીમાં વધારો થતાં રાજકોટની શાળાઓમાં મહત્વનો નિર્ણય લેવાયો છે. શાળાના સમયમાં ફેરફાર કરવા છૂટ અપાઇ છે. જિલ્લા શિક્ષણાધિકરી બી.એસ કૈલા દ્વારા નિર્ણય લેવાયો છે.
રાજકોટમાં શાળાના સમયમાં ફેરફાર કરવા અપાઇ છૂટ
રાજકોટમાં ઠંડીમાં વધારો થતા જિલ્લા શિક્ષણાધિકારી બી એસ કૈલા દ્વારા મહત્વનો નિર્ણય લેવાયો છે. જેમાં શાળાના સમયમાં ફેરફાર કરવા સ્કૂલોને છૂટ અપાઈ છે. સવારની શાળાઓમાં 1 કલાક સમય મોડો કરવા છૂટ અપાઈ છે.
રાજકોટમાં 8.4 ડિગ્રી તાપમાન નોંધાયુ
રાજ્યમાં અનેક જિલ્લાઓમાં ઠંડીના ચમકારો વધ્યો છે. ઉત્તર ગુજરાતના કેટલાક તાલુકાઓમાં બરફ જામ્યાની પણ વિગતો સામે આવી છે જ્યારે રાજકોટની વાત કરવામાં આવે તો ત્યાં 8.4 ડિગ્રી તાપમાન છે.
રાજ્યના 9 શહેરોમાં 10 ડિગ્રીથી નીચુ તાપમાન પહોંચ્યું છે
બનાસકાંઠાના સરહદી વિસ્તારમાં બરફની ચાદર છવાઈ ગઈ છે. તો વળી નલિયામાં રેકોર્ડબ્રેક 1.4 ડિગ્રી તાપમાન નોંધાયુ છે. મહત્વનું છે કે, રાજ્યના 9 શહેરોમાં 10 ડિગ્રીથી નીચુ તાપમાન પહોંચ્યું છે. ઠંડીથી રક્ષણ મેળવવા લોકો તાપણાનો સહારો લઈ રહ્યા છે. ગુજરાતમાં એકવાર ફરી ઠંડીના વધુ એક રાઉન્ડનો પ્રારંભ થઇ ચૂક્યો છે. રાજ્યમાં આગામી 3-4 દિવસ દરમિયાન તાપમાનમાં ઘટાડો નોંધાશે. રાજ્યમાં 3થી 6 ડિગ્રી સુધી તાપમાન ઘટવાની હવામાન વિભાગ દ્વારા આગાહી કરવામાં આવી છે. રાજ્યના 5 શહેરોમાં તાપમાન 10 ડિગ્રીથી નીચે નોંધાયું છે.