ક્રિકેટ / મોર્ગનને ગત બે સિઝનમાં કોઈએ ખરીદ્યો નહોતો, હવે ત્રણ ગણા ભાવે વેચાયો

મોર્ગન છેલ્લા કેટલાક સમયથી શાનદાર પ્રદર્શન કરી રહ્યો છે. આ વર્ષે તેની કેપ્ટનશિપમાં ઇંગ્લેન્ડે પ્રથમ વખત વન ડે વર્લ્ડકપ જીત્યો હતો. ઈયોન ડાબોડી બેટ્સમેન છે અને મિડલ ઓર્ડરમાં ઝડપથી રન બનાવવા માટે દુનિયાભરમાં જાણીતો છે.

IPLની છેલ્લી બે ‌સિઝન દરમિયાન કોઈએ મોર્ગનને ખરીદ્યો નહોતો. તે સૌથી પહેલાં ૨૦૧૦માં IPLમાં રમ્યો હતો. તેને રોયલ ચેલેન્જર્સ બેંગલુરુએ ૨.૨૦ કરોડમાં ખરીદ્યો હતો. જોકે તેને ખાસ તક મળી ન હતી. એ સિઝન પછી તેને ટીમની બહાર કરી દેવાયો હતો.

IPL-૨૦૧૧માં કોલકાતા નાઇટ રાઇડર્સે ૩.૫૦ કરોડ રૂપિયામાં તેને પોતાની સાથે જોડ્યો હતો. મોર્ગન ત્રણ વર્ષ સુધી કેકેઆર સાથે રહ્યો હતો. IPL-૨૦૧૪માં તે ઇંગ્લેન્ડની વન-ડે શ્રેણીના કારણે રમ્યો ન હતો. હવે આગામી સિઝન માટે મોર્ગન ત્રણ ગણા ભાવે વેચાયો છે.