coronavirus / યુએસમાં પહેલી વાર એક દિવસમાં બે લાખથી વધુ દર્દીઃ બ્રિટનમાં લોકડાઉનથી કેસમાં ધરખમ ઘટાડો; આટલા ટકા કેસ ઘટી ગયા 

દેશની નેશનલ ઇન્સ્ટિટ્યૂટ ઓફ એલર્જી એન્ડ ઇંફેક્શિયસ ડિસીઝના ડિરેક્ટર ડો. એન્થની ફોસીએ એક પછી એક સતત બીજી લહેર આવવાની ચેતવણી આપી છે. 

"અચાનકથી કંઇ જ બદલવાનું નથી"

એક પ્રોગ્રામમાં ફોસીએ કહ્યુ કે અચાનકથી કંઇ જ બદલવાનું નથી. હજુ મોડું થયું નથી. લોકો થેંક્સ ગિવિંગની રજાઓ માણીને ઘરે પરત ફરી રહ્યા છે. બધા માસ્ક પહેરે, મોટાં ગ્રૂપ ન બનાવે અને સોશિયલ ડિસ્ટન્સિંગ જાળવી રાખે. 

ચીન ફેલાવી રહ્યું છે કોરોનાની ઉત્પત્તિને લઇને ખોટી વાતો

દુનિયામાં અત્યાર સુધી કોરોનાના ૬,૩૦,૬૪,૮૮૩ કેસ સામે આવ્યા છે. ૧૪,૬૫,૦૨૭ લોકો મોતને ભેટ્યા છે. સારી વાત એ છે કે અત્યાર સુધી ૪,૩૫,૪૧,૬૩૧  લોકો સાજા થયા છે. આખી દુનિયામાં કોરોના વાઇરસ ચીનના વુહાનથી જ ફેલાયો છે. હવે ચીન નવો પ્રોપેગન્ડા ફેલાવી રહ્યો છે. ચીની મીડિયા એ વાતને વધારીને કહી રહ્યું છે કે વાઇરસ ચીનથી ફેલાયો નથી. તેમના દેશમાં આ વાઇરસ ફ્રોઝન ફૂડ્સ દ્વારા કોઇ બહારના દેશમાંથી આવ્યો છે. 

બ્રિટનમાં એક મહિનાના લોકડાઉનથી કેસમાં ૩૦ ટકાનો ઘટાડો

બીજી તરફ બ્રિટનમાં એક મહિનાના લોકડાઉનથી કેસમાં ૩૦ ટકાનો ઘટાડો થયો છે. લગભગ  એક લાખ વોલેન્ટિયર્સ પર કરાયેલા અભ્યાસના પરિણામો આજે સામે આવ્યાં છે. કેસ વધતા બ્રિટનમાં પાંચ નવેમ્બરે બીજું લોકડાઉન લગાવાયું હતું. 

ઇંપિરિયર કોલેજ ઓફ લંડનના અભ્યાસમાં જણાવાયું છે કે ૧૬ ઓક્ટોબરથી બે નવેમ્બરની વચ્ચે ૧૦,૦૦૦ લોકો પર ૧૩૦ કેસ સામે આવ્યા હતા. લોકડાઉન બાદ ૧૩ થી ૨૪ નવેમ્બરની વચ્ચે કેસ ઘટીને ૧૦,૦૦૦ લોકો પર ૯૬ કેસ રહ્યા છે.