સુરતમાં એક હજાર કરતાં વધુના કૌભાંડનો પર્દાફાશ થયો છે. જેમાં કાળો કારોબાર ચલાવતા લોકોએ ચા અને લુમ્સના મજૂરાનો ઉપયોગ કરી તેના નામે બેંકમાં ખાતા ખોલાવ્યા હતા. ત્યારબાદ નાના માણસોના ખાતામાં નાણાંની મોટી હેરફેર કરી હતી. કરોડોની હેરફેર કરવા માટે ચા અને લુમ્સના મજૂરના નામે ખાતા ખોલાવ્યા હતા.
સુરતમાં 1 હજાર કરોડથી વધુનું કૌભાંડ સામે આવ્યું છે. સુરતના ટેક્સટાઇલના વેપારી જયશંકર દુબેએ 1 હજાર કરોડની બોગસ ક્રેડિટ લીધી હોવાનો ખુલાસો થયો છે. વેપારી દુબે સામે એક વર્ષથી GST અને DRIની તપાસ ચાલે છે.
જયશંકર દુબે સુરતના અલગ અલગ વ્યક્તિના એકાઉન્ટ ખોલાવ્યા હતા. તમામ એકાઉન્ટ ધારકોને દર મહિને 10 હજાર રૂપિયા આપતો હતો. ત્યારે પોલીસની અન્ય તપાસમાં કૌભાંડ સામે આવતા એકાઉન્ટ ધારકોએ પણ જયશંકર દુબે સામે અરજી કરી છે.
જયશંકર દુબેએ પાન અને કોલ્ડ્રિંક્સની દુકાન ચલાવનારાના પર્વત પાટિયાની ઇન્ડિયન બેન્કમાં ખાતા ખોલાવ્યા હતા. ત્યારે હજુ પણ સુરતમાં લુમ્સના મજૂરના ખાતામાં 3.60 કરોડ અને ચા વાળાના ખાતામાં પણ હાલ 1.67 કરોડ રૂપિયા જમા છે. ત્યારે તપાસમાં તમામ વિગતો બહાર આવતા ઇડીએ બંને ખાતાને સીઝ કરી દીધા છે.
આ તમામ મજૂરોના ખાતા પર્વત પાટીયામાં આવેલી ઇન્ડિયા બેંકમાં ખાતા ખોલાવ્યા હતા. DRI અને GSTની તપાસમાંથી છટકેલા જયશંકર દુબે સામે પોલીસમાં અરજી કરવામાં આવતા ED દ્વારા બંને ખાતા સિઝ કરવામાં આવ્યા છે.