અમેરિકામાં વધુ એક ગુજરાતી યુવકની ગોળી મારી કરાઇ હત્યા

અમેરિકામાં ગુજરાતીઓની હત્યામાં ઉત્તરોતર વધારો થઈ રહ્યો છે એટલાન્ટાના મેકનમાં વધુ એક ગુજરાતીની ગોળી મારીને હત્યા કરવામાં આવી છે. 36 વર્ષીય અલ્પેશ પ્રજાપતિ મુળ મહેસાણાના કૈયલ ગામના વતની હતા અને એટલાન્ટાના ગ્રોસરીના સ્ટોરમાં કામ કરતા હતા.

લૂંટના ઈરાદે આવેલા બે અશ્વેતોએ અંધાધુન ફાયરિંગ કરીને અલ્પેશને માથામાં ગોળી મારી હતી જ્યારે ગંભીર રીતે ઘાયલ અલ્પેશને સારવાર અર્થે હોસ્પિટલમાં ખસેડવામાં આવ્યા હતા જ્યાં સારવાર દરમિયાન તેમનું મોત નિપજ્યું હતું.

મહત્વનું છે કે આજ સ્ટોરમાં એક વર્ષ પહેલા પણ લૂંટની ઘટના બની હતી. બે હત્યારાઓ જ્યારે સ્ટોરમાં અચાનક ત્રાટયા હતા ત્યારે અલ્પેશે ઈમરજન્સી એલાર્મનું બટન પણ દબાવી દીધુ હતું. જે બાદ લૂંટના ઈરાદે આવેલા હત્યારાઓ અલ્પેશને કેમેરા રેન્જથી બહાર લઈ ગયા હતા અને. કેશિયર ડિપાર્ટમેન્ટમાં લઈ જઈ ગોળી મારી હતી.