કોરોનાની બીજી લહેર બાળકો માટે ઘાતક બની છે. મંત્રાલયના અનુસાર માર્ચથી એપ્રિલમાં 80 હજાર બાળકો કોરોના સંક્રમિત થયા છે.
કોરોનાની બીજી લહેર બાળકો માટે ઘાતક બની
માર્ચથી એપ્રિલમાં 80 હજાર બાળકો કોરોના સંક્રમિત થયા
મહારાષ્ટ્ર, છત્તીસગઢ, ઉત્તરપ્રદેશ, કર્ણાટક અને દિલ્હીમાં પ્રમાણ વધુ
ગુજરાતની વાત કરીએ તો સુરતમાં શુક્રવારે 15 દિવસની નવજાત બાળકી કોરોનાનો શિકાર બની. બીજી લહેરમાં એટલા નાના બાળકોને સંક્રમણ થયું છે અને તેનાથી મૃત્યુ પામનારમાં આ બાળકી છે. કોરોનાની બીજી લહેરની ઝપેટમાં આવી રહેલા નવજાત શિશુથી લઈને 15 વર્ષ સુધીના બાળકો માટે કોરોનાની બીજી લહેર ઘાતક બની રહી છે. સૌથી સંક્રમિત રાજ્યોમાં માર્ચથી એપ્રિલની વચ્ચે 80 હજાર બાળકો કોરોના સંક્રમિત થયા હોવાનું જાણવા મળ્યું છે. સ્વાસ્થ્ય મંત્રાલયના આંકડા અનુસાર મહારાષ્ટ્ર, છત્તીસગઢ, ઉત્તરપ્રદેશ, કર્ણાટક અને દિલ્હીમાં અત્યાર સુધીમાં કુલ 79688 બાળકો સંક્રમિત થઈ ચૂકયા છે.
મહારાષ્ટ્ર
અહીં 1 માર્ચથી 4 એપ્રિલ સુધીમાં રાજ્યમાં 60684 બાળકો સંક્રમિત થયા છે. તેમાં થી 9882 બાળકોની ઉંમર 5 વર્ષથી ઓછી છે. પહેલી લહેરે દેશની સરખામણીએ મહારાષ્ટ્રમાં વધારો બાળકો સંક્રમિત થયા હતા. બાળકોમાં મલ્ટી સિસ્ટમ ઇફ્લેમેટ્રી સિન્ડ્રોમના સૌથી વધારે કેસ નોંધાયા છે. આ વખતે સ્થિતિ બગડી રહી છે.
છત્તીસગઢ
મહારાષ્ટ્ર બાદ અહીં સૌથી વધુ એટલે કે 5940 બાળકો કોરોના સંક્રમિત થવાનું જાણવા મળ્યું છે. જેમાં 922 બાળકો સૌથી નાની ઉંમરના છે.
ઉત્તરપ્રદેશ
અહીં અત્યાર સુધીમાં 3004 બાળકો કોરોના સંક્રમિત થયા છે. જેમાં 471 બાળકો પાંચ વર્ષની ઉંમર સુધીના છે.
કર્ણાટક
અહીં 5 વર્ષથી નાની ઉંમરના 871 બાળકો સહિત કુલ સંક્રમિત બાળકોનો આંક 7327 સુધી પહોંચી ચૂક્યો હોવાનું જાણવા મળી રહ્યુ છે.
દિલ્હી
અહીં એપ્રિલ 4 સુધી કુલ 2733 બાળકો કોરોના પોઝિટિવ આવ્યા છે અને તેમાં પણ 441 બાળકોની ઉંમર 5 વર્ષથી ઓછી છે.
બાળકો પર પણ વયસ્ક જેવી અસર
આ રાજયોમાં પાંચમા સીરો સર્વેમાં જાણવા મળ્યું છે કે 52 ટકા બાળકોના શરીરમાં એવું કોરોના સંક્રમણના વિરોધમાં એન્ટી બોડી હતી જે વયસ્કોમાં જોવા મળી રહી છે. એટલે કે કોરોના સંક્રમણ બાળકોના શરીર પર પણ અસર રાખી રહ્યું છે. 15થી 23 જાન્યુઆરીના સર્વેમાં 12 વર્ષની ઉંમરના 28 હજાર બાળકોને સામેલ કરાયા હતા.
બ્રાઝિલમાં સૌથી નાના બાળકો પર દુનિયામાં સૌથી વધારે કહેર
બ્રાઝિલમાં કોરોના સંક્રમણના પીડિત થતા બાળકોની સંખ્યા દુનિયામાં સૌથી વધારે છે. ગયા વર્ષે બ્રાઝિલમાં 1 વર્ષથી નાની ઉંમરના જેટલા બાળકોના મોત થયા તે અમેરિકાના કરતા 22 ગણા વધારે છે. અત્યાર સુધી 1 વર્ષથી નાના 1600 બાળકોના અહીં મોત નીપજ્યા છે. સાથે જ 15 વર્ષના બાળકોમાં સંક્રમણ ઝડપથી ફેલાઈ રહ્યું છે. બાળકોમાં ઓક્સીજનની ખામીની ફરિયાદ વધારે જોવા મળે છે અને તેના કારણે તેમને અનેક હોસ્પિટલમાં ભટકવું પડે છે. આ સ્થિતિને કારણે બાળકો મુશ્કેલી સામે લડી રહ્યા છે. શરૂઆતમાં બાળકોના સંક્રમણના લક્ષણો જાણી શકાતા ન હતા અને જ્યાં સુધી તેઓ સંક્રમિત છે કે નહીં તે જાણવામાં આવે તેમની સ્થિતિ ખરાબ થઈ જતી હતી.