SHORT & SIMPLE / જાનૈયાઓથી ભરેલી બસ અને ટ્રક વચ્ચે ભીષણ અકસ્માત: એકનું મોત, 80થી વધુ ઘાયલ

• છત્તીસગઢમાં વહેલી સવારે દર્દનાક માર્ગ અકસ્માતની
• જાનૈયાઓની બસ અને ટ્રક વચ્ચે ગમખ્વાર અકસ્માતમાં 1 નું મોત 
• દર્દનાક અકસ્મારતમાં 80થી વધુ લોકો ઘાયલ 

છત્તીસગઢમાં આજે સવારે એક દર્દનાક માર્ગ અકસ્માતની ઘટનાથી ચકચાર મચી ગઈ છે. વાત જાણે એમ છે કે, અહીં બારપાલી પાસે જાનૈયાઓની બસ અને ટ્રક વચ્ચે અથડામણ થઈ હતી. માહિતી મુજબ અકસ્માતમાં એકનું મોત થયું છે. આ સાથે 80થી વધુ લોકો ઘાયલ હોવાનું કહેવાય છે. તમામ ઈજાગ્રસ્તોને બિલાઈગઢ કોમ્યુનિટી હેલ્થ સેન્ટર, ગીધૌરી, કસડોલ સહિતની ખાનગી હોસ્પિટલમાં દાખલ કરવામાં આવ્યા છે. જેમાંથી ઘણાની હાલત ગંભીર હોવાનું કહેવાય છે.

છત્તીસગઢના બલોદાબજારમાં આજે સવારના સમયે માર્ગ અકસ્માતની ગંભીર ઘટના સામે આવી છે. બારપાલી પાસે જાનૈયાઓની બસ અને ટ્રક વચ્ચે અકસ્માત સર્જાયો હતો. ઘટનાની માહિતી મળતા જ ગીધૌરી પોલીસ ઘટનાસ્થળે પહોંચી ગઈ હતી. કહેવામાં આવી રહ્યું છે કે,  પચરી ગામથી જાન કુર્રા રાયપુર ગઈ હતી. આ દરમિયાન ત્યાંથી પરત ફરતી વખતે આ ઘટના બની. ગીધૌરી પોલીસ ઈજાગ્રસ્તોને હોસ્પિટલ લઈ ગઈ હતી. જોકે આ ઘટનામાં એકનું મોત થયું છે. મૃતકનું નામ બસંત કુમાર સાહુ હોવાનું સામે આવ્યું છે. હાલ તો સમગ્ર મામલે પોલીસે વધુ તપાસ શરૂ કરી છે.