મકરસંક્રાતિ / અમદાવાદમાં ઉત્તરાયણના દિવસે 611 ઈમરજન્સી કોલ આવ્યા, સદનસીબે એકપણનું મોત નહીં

• શહેરમાં ૧૦૮ ઇમર્જન્સી સર્વિસને ઉત્તરાયણના દિવસે ૬૧૧થી વધુ કોલ મળ્યા
• વાડજમાં ૧૨ વર્ષની બાળકીને ચાઇનીઝ દોરીથી ઈજા થઈઃ ધાબા પરથી પટકાતાં બાળક ઘાયલ
• સમગ્ર રાજ્યમાં ૩૦૫૫ ઇમર્જન્સી કોલ મળ્યાઃ ગત વર્ષ કરતાં ૨૯૬ જેટલા વધુ

ગત વર્ષ કરતાં આ વર્ષે દોરી વાગવા તેમજ ધાબા પરથી પડી જવાના અકસ્માતના અને ત‌િબયત ખરાબ થવાના કેસોમાં પણ વધારો જોવા મળ્યો છે. શહેરમાં દોરી વાગવાના અને ધાબા પરથી પટકાવવાના કિસ્સા બન્યા છે, પરંતુ આ લખાય છે ત્યારે કોઈનું મોત થયાનું જાણવા મળ્યું નથી.

ગત વર્ષની સરખામણીએ 296 કોલ વધુ મળ્યા 

૧૦૮ એમ્બ્યુલન્સને ગઇ કાલ સવારથી આજે સવારના ૯ વાગ્યા સુધી કુલ ૪ર૩૦ ઈમર્જન્સી કોલ્સ મળ્યા છે, ઉતરાયણના દિવસે રાતના ૯ વાગ્યા સુધી કુલ ૩૩પ૧ ઇમર્જન્સી કોલ મળ્યા હતા. ગત વર્ષે ૩૦પપ કોલ મળ્યા હતા, જેની સરખામણીએ આ વખતે ર૯૬ કોલ વધુ મળ્યા છે, જેમાં અમદાવાદમાં ૬૧૧, સુરતના ૩૦૦, દાહોદ ૧૭૦, વડોદરાના ૧૬૩ કોલ છે. સૌથી ઓછા ઇમર્જન્સી કોલ મોરબીમાં મળ્યા છે. મોરબીમાં કુલ ર૩ કોલ ઇમર્જન્સીના આવ્યા છે. 

૧ર વર્ષની નેહાને મોઢા પર વાગી ચાઈનીઝ દોરી

શહેરના વાડજ વિસ્તારમાં ૧ર વર્ષની નેહાને મોઢા પર ચાઈનીઝ દોરી વાગી હતી જ્યારે ૪૦ વર્ષના રાજેન્દ્રસિંહ ખાલસાને આઇઆઇએમ પાસે ગળા પર દોરી વાગવાથી ઇજાગ્રસ્ત થયા હતા તો ર૩ વર્ષના વરુણ પટેલને દોરી વાગવાથી સિવિલ સારવાર માટે મોકલાયા. નવરંગપુરામાં પણ ૪ર વર્ષના રમેશભાઇ શર્માને દોરી વાગી હતી, જેમાં તેમને સારવાર માટે સિવિલ હોસ્પિટલમાં ખસેડવામાં આવ્યા હતા.
 
૧૦૮ મારફતે બેભાન હાલતમાં ખસેડાયા હોસ્પિટલ

ઓઢવમાં પ૪ વર્ષીય ધર્મિષ્ઠાબહેન મિસ્ત્રીને દોરી વાગી હતી. ૧ર વર્ષનો જય અ‌િજત મિલ પાસે ધાબા પરથી પટકાતાં ઇજાગ્રસ્ત થયો હતો, જ્યાં તેને સારવાર અર્થે એલ.જી.હોસ્પિટલમાં લઇ જવામાં આવ્યો હતો. સરદારનગર વિસ્તારમાં ૪ર વર્ષના ઉનમેશભાઈ દત્ત નીચે ધાબા પરથી પટકાતાં તાત્કાલિક ૧૦૮ મારફતે બેભાન હાલતમાં સિવિલ હોસ્પિટલમાં ખસેડવામાં આવ્યા હતા.ભિલોડાના ભુતાવડમાં પતંગ ચગાવતી વખતે ધાબા પરથી પટકાતાં યુવાનને માથામાં પાંચ ટાંકા આવ્યા હતા.  

ટેરેસ પરથી પડતા બાળકનું મોત 

આ સિવાય પણ અનેક લોકોને દોરીથી ઇજા પહોંચતાં સારવાર માટે હોસ્પિટલમાં ખસેડવામાં આવ્યા છે. સુરતમાં બાળક અને વૃદ્ધને દોરી વાગી છે અને એક યુવકની જીભ કપાઈ ગઈ છે. ભિલોડાના ભુતાવડમાં પતંગ ચગાવતી વખતે ધાબા પરથી પટકાતાં યુવાનને માથામાં પાંચ ટાંકા આવ્યા હતા. વડોદરાના 
ખો‌ડિયારનગર નજીક સયાજીપુરા પાણીની ટાંકી પાસે મુખ્યમંત્રી આવાસમાં બી-૭૦૬ બંસીધર હાઇટ્સમાં રહેતો ૧૬ વર્ષનો કરણ રાઠોડ પતંગ ઉડાવવામાં મશગૂલ હતો. આ દરમિયાન અચાનક જ ટેરેસ ઉપરથી પટકાતાં કરણનું મોત નીપજ્યું હતું.