સમગ્ર વિશ્વની વાત કરીએ તો કોરોનાનો કહેર રોકાવાનું નામ જ નથી લઈ રહ્યો. ભારતમાં પણ સતત કોરોનાનો કહેર વધી રહ્યો છે. સમગ્ર વિશ્વ તેની સામે કોરોનાની રસી શોધવા પ્રયાસ કરી રહ્યું છે. જોકે હજું સુધી તેમાં કોઈ સફળતા મળી નથી. ત્યારે ભારતમાં કોરોનાના કેસ 54 લાખ 85 હજારથી વધારે થઈ ગયા છે. જેમાંથી 16 રાજ્યો એવા છે જ્યાં કેસ 1 લાખથી વધારે છે.
ભારતમાં કુલ 54 લાખ 85 હજારથી વધુ કોરોના કેસ
કોરોના બાદ કુલ 43 લાખ 92 હજારથી વધુ લોકો સાજા થયા
દેશના 16 રાજ્યમાં કોરોનાના 1 લાખથી વધુ કેસ
સૌથી ઓછા મિઝોરમમાં 1578 કોરોના પોઝિટિવ કેસ
ભારતમાં કોરોના કેસમાં સતત વધારો થઈ રહ્યો છે. ભારતમાં કુલ 54 લાખ 85 હજારથી વધુ કોરોના કેસ નોંધાયા છે. સારા સમાચાર એ છે કે કોરોના બાદ કુલ 43 લાખ 92 હજારથી વધુ લોકો સાજા થયા છે. દેશમાં હાલ 10 લાખ 4 હજારથી વધુ એક્ટિવ કેસ છે. ત્યારે ચિંતાજનક બાબત એ છે કે દેશના 16 રાજ્યમાં કોરોનાના 1 લાખથી વધુ કેસ નોંધાયા છે.
સૌથી વધુ મહારાષ્ટ્રમાં 12 લાખ 8 હજાર કોરોના કેસ નોંધાયા છે. જ્યારે ગુજરાતમાં 1 લાખ 23 હજાર કોરોના પોઝિટિવ કેસ નોંધાયા છે. રાહતના સમાચાર મિઝોરમમાંથી મળી રહ્યા છે. સૌથી ઓછા કેસ મિઝોરમમાં નોંધાયા છે અહીં 1578 કોરોના પોઝિટિવ કેસ નોંધાયા છે.
ઉલ્લેખનીય છે કે વિશ્વમાં પણ કોરોના વાયરસનો કહેર યથાવત્ છે. વિશ્વમાં 3 કરોડ 12 લાખ કોરોના પોઝિટિવ કેસ સામે આવ્યા છે. કોરોના બાદ કુલ 2 કરોડ 28 લાખ લોકો સાજા થયા છે. કોરોનાથી વિશ્વમાં કુલ 9 લાખ 64 હજાર લોકોના મૃત્યુ થયા છે. છેલ્લા 24 કલાકમાં 2 લાખ 41 હજાર નવા કેસ નોંધાયા. 24 કલાકમાં અમેરિકામાં 32517, બ્રાઝિલમાં 16282 , ભારતમાં 87382, રશિયામાં 6148, કોલંબિયામાં 6678 અને મેક્સિકોમાં 5167 નવા કેસ નોંધાયા છે.