અમદાવાદ / વિદેશીઓને ગુજરાતનું ઘેલુ લાગ્યું, 2300થી વધુ વિદ્યાર્થીઓની ગુજરાત યુનિવર્સિટીમાં અભ્યાસ માટે અરજી

• વિદેશી વિદ્યાર્થીઓનો ગુજરાતમાં અભ્યાસનો ક્રેઝ
• આ વર્ષએ 2300થી વધુ વિદ્યાર્થીઓએ કરી અરજી
• વિવિધ દેશમાંથી અભ્યાસ માટે આવે છે વિદ્યાર્થીઓ

ગુજરાત યુનિવર્સિટીમાં આગામી શૈક્ષણીક વર્ષ માટે 2300થી વધુ વિદ્યાર્થીઓએ અરજી કરી છે. ગુજરાત યુનિવર્સિટી સહીતની દેશની યુનિવર્સિટીમા અભ્યાસ કરવા માટે વિદેશી વિદ્યાર્થીઓએ ઇન્ડિયન કાઉન્સીલ ફોર કલ્ચરલ રિસર્ચ હેઠળ અરજી કરવાની રહે છે. 

ગુજરાત યુનિવર્સિટીમાં અભ્યાસ કરવાનો વિદેશી વિદ્યાર્થીઓની સંખ્યા વધી

ત્યારે આ વર્ષે ગુજરાત યુનિવર્સિટીમાં અભ્યાસ કરવાનો વિદેશી વિદ્યાર્થીઓની સંખ્યા વધી છે. ગુજરાત યુનિવર્સિટી દ્વારા છેલ્લા બે વર્ષમાં એરોનોટિક્સ, આર્ટિફીશયલ ઇન્ટેલિજન્સ મશિન લર્નીગ, ડેટા સાયન્સ, હ્યુમન જીનેટીક્સ, બાયો ઇન્ફોર્મેટિક્સ સહિતના વિવિધ અભ્યાસક્રમો શરૂ કર્યા છે. 

2300થી વધુ વિદ્યાર્થીઓએ અરજી કરી

જેની ડિમાન્ડ ન ફક્ત ભારતમાં છે પરંતુ સમગ્ર વિશ્વમાં છે. જેને લઇને આ વર્ષ માટે 2300થી વધુ વિદ્યાર્થીઓએ અરજી ગુજરાત યુનિવર્સીટીમાં અભ્યાસ માટે અરજી કરી છે. 

મોટી સંખ્યામાં ભારત અભ્યાસ અર્થે આવી રહ્યા છે વિદ્યાર્થીઓ 

વર્ષ 2018-19માં 35 વિદ્યાર્થીઓ, વર્ષે 2019-20માં 51 વિદ્યાર્થીઓ જ્યારે વર્ષે 2020-21માં 151 વિદેશી વિદ્યાર્થીઓ યુનિવર્સિટી કેમ્પસમાં અભ્યાસ કરી રહ્યા છે. ખાસ કરીને અફઘાનિસ્તાન, બાંગ્લાદેશ અને આફ્રીકન દેશોના વિદ્યાર્થીઓ અહી મોટી સંખ્યામાં અભ્યાસ અર્થે આવ્યા છે.