ભૂલકાઓ ઉપર પોપડું પડ્યું તો? ભાવનગર જિલ્લામાં આવેલી છે 1500 આંગણવાડી
જર્જરિત આંગણવાડીમાં
અહીં મોતની છતનીચે બાળપણ!
ભૂલકાઓ ઉપર પોપડું પડ્યું તો?
ગુજરાતમાં શિક્ષણનો મુદ્દો ગરમ કરનાર શિક્ષણમંત્રી જીતુ વાઘાણી હવે ખુદ પોતાના જ નિવેદનને લઈને ઘેરાતા જઈ રહ્યા છે .કારણ કે, શિક્ષણમંત્રીના મત વિસ્તારમાં અને જિલ્લામાં શાળાઓની હાલત તો બદથી બત્તર હોવાના દ્રશ્યો સામે આવ્યા હતા જ.પરંતુ હવે આંગણવાડીઓની જર્જરિત હાલત પણ સામે આવી છે.
બાળકો પર પોપડું પડ્યું તો..
વીટીવી ન્યૂઝની ટીમ આંગણવાડીઓની હાલતનું રિયાલિટી ચેક કરવા માટે બુધેલ ગામ પહોંચી હતી.અહીં પહોંચતા જ જોવા મળ્યું કે, ગામની આંગણવાડીની હાલત તો ખંડેર સ્કૂલ કરતા પણ બત્તર હતી.કારણ કે, બાળકના ઘડતરની જ્યાંથી શરૂઆત થાય છે તે આંગણવાડીઓની જ હાલત ખરાબ છે.અહીં દ્રશ્યોમાં તમે ખુદ જોઈ શકો છો કે, નાના-નાના ભુલકાઓ જ્યાં બેઠા છે.તેમની ઉપર છત જર્જરીત છે લોખંડના તાર કટાયેલા દેખાઈ રહ્યા છે.પોપડા પડેલા છે.જો એકપણ પ્લાસ્ટરનું પોપડું બાળક પર પડયું તો સમજવું કે, દુર્ઘટના ઘટી.તેમ છતાં અહીં બાળકો ભણવા માટે મજબૂર છે.એટલું જ નહીં આંગણવાડીની ફરતે બાવડનું સામ્રાજ્ય જોવા મળી રહ્યું છે.અને દારૂની પોટલીઓ ઉડતી પણ જોવા મળી રહી છે
કોના કારણે નાના ભૂલકાઓ મોતની છત નીચે ભણવા મજબૂર કે?
નાના ભૂલકાઓની માથે છત પડી તો જવાબદાર કોણ?
કેમ જર્જરિત આંગણવાડીઓનું રિનોવેશન નથી કરાતું?
ભાવનગર જિલ્લામાં આવેલી છે 1500 આંગણવાડી, 200થી વધુ આંગણવાડીઓની હાલત છે જર્જરિત
ન માત્ર બુધેલ ગામ.પરંતુ તેની આસપાસના ખડસલીયા, હાથબ, નાગધણીંબા સહિતના ગામોમાં પણ આંગણવાડીઓની હાલત ખંડેર જેવી કે.આંગણવાડીના જર્જરિત દ્રશ્યો જોયા બાદ તો તેની પરિસ્થિતિનો અંદાજ લગાવી જ શકાય છે. નવાઈની વાત તો એ કે કે, આપણા શિક્ષણમંત્રી પણ ભાવનગર જિલ્લામાંથી જ આવે છે અને તેમના વિસ્તારમાં જ શાળાઓ અને આંગણવાડીઓની જર્જરિત હાલત છે જ્યારે તેઓ સારી શિક્ષણ વ્યવસ્થાની વાતો કરે છે
આંગણવાડીઓની આ હાલત જોતા સવાલ એ થાય છે કે, કેમ ગુજરાતમાં શિક્ષાના ધામોની આટલી ખરાબ સ્થિતિ છે? કોના કારણે નાના ભૂલકાઓ મોતની છત નીચે ભણવા મજબૂર છે? નાના ભૂલકાઓની માથે છત પડી તો જવાબદાર કોણ? કેમ જર્જરિત આંગણવાડીઓનું રિનોવેશન નથી કરાતું? હવે તો ચૂંટણી આવી છે એટલે રાજનીતિ બધા જ પક્ષો કરશે પરંતુ આશા રાખીએ કે, રાજનીતિને શિક્ષાથી દૂર રાખી આવી જર્જરિત શાળાઓ અને આંગણવાડીઓનું સમારકામ કરવામાં આવે.શિક્ષા માટે નવા બિલ્ડિંગ બનાવવામાં આવે.