વૈશ્વિક મહામારી કોરોના વાયરસ આજે 199 દેશોમાં ફેલાઈ ગયો છે. કોરોના એક મોટા જનસમુદાયની સાથે વિશ્વની ઈકોનોમીને પણ ભરખી ગયો છે. ત્યારે 27,370 લોકોના મોત નિપજ્યા છે. ત્યારે વિશ્વમાં 597,458 લોકો કોરોના ગ્રસ્ત છે. ત્યારે 133,373લોકો સાજા થઈ ગયા છે. અમેરિકામાં દર 1 મિનિટે 13 કેસ વધે છે. અમેરિકામાં સૌથી વધારે કેસ નોંધાયા છે. અહીં 24 કલાકમાં 18હજાર નવા કેસ નોંધાયા છે. જ્યારે ઈટલીમાં 1 દિવસમાં 1 હજાર લોકોના મોત નિપજ્યા છે. જે અત્યાર સુધીમાં થયેલા મોતનો સૌથી મોટો આંકડો છે. જ્યારે આની વચ્ચે ચીનમાં શુક્રવારે 54 નવા કેસ દાખલ કરવામાં આવ્યુ છે. જાણો દુનિયામાં કોરોનાને લગતી તમામ લાઈવ અપડેટ્સ...
24 કલાકમાં ભારતમાં 149 કેસ સામે આવ્યા
અમેરિકામાં કુલ 104,256 કેસ
ઈટલીમાં કુલ 9,134 ના મોત
(તમામ અપડેટ્સ 28 માર્ચ 2020 -11:27 AM વાગ્યા સુધીની છે)
અમેરિકાએ કોરોના મુદ્દે ચીન અને ઈટલીને પાછળ મુકી દીધું છે
અમેરિકામાં 24 કલાકમાં 18000 લોકો કોરોના વાયરસની ઝપેટમાં આવી ગયા છે. કોરોના વાયરસને પગલે યુએસમાં 24 કલાકમાં 345 દર્દીના મોત નિપજ્યા છે. જ્યારે 1 મિનિટમાં 13 દર્દીઓ વધે છે. જ્યારે અમેરિકામાં હાલ દર્દીઓની સંખ્યા 104,256 થઈ ગઈ છે. અહીં અત્યાર સુધીમાં 1704 લોકોના મોત નિપજ્યા છે. જ્યારે 100,027એક્ટિવ કેસ છે. જ્યારે 2525 લોકો રિકવર થઈ ગયા છે. અમેરિકાએ કોરોના મુદ્દે ચીન અને ઈટલીને પાછળ મુકી દીધું છે.
ન્યૂયોર્કમાં ઈટલી જેવી સ્થિતી
અમેરિકાનું ક્યારેય ન ઊંઘનારું શહેર ન્યૂયોર્ક આ દિવસોમાં કોરોનાનું એપીસેન્ટર બની ગયું છે. કોરોનાના સૌથી વધારે કેસ અહીં છે. એક આંકડા પ્રમાણે અમેરિકાના અડધાથી વધારે કોરોનાના દર્દી ન્યૂયોર્કમાં છે. ન્યૂયોર્કમાં અત્યાર સુધીમાં 500થી વધારે લોકોના મોત નિપજ્યા છે.
ઈટલીમાં એક જ દિવસમાં 1 હજાર લોકોના મોત
કોરના વાયરસનું કેન્દ્ર બનેલી ઈટલીમાં દરેક દિવસે મોંતનો આંકડો વધી રહ્યો છે. આ મહામારીએ ઈટલીમાં સૌથી વધારે હાહાકાર મચાવ્યો છે. યૂરોપના આ દેશમાં અત્યાર સુધીમાં 9,134 લોકોના મોત નિપજ્યા છે. શુક્રવારે સૌથી વધારે મોત નિપજ્યા છે. ઈટલીમાં એક દિવસમા 1000 લોકોના મોત નિપજ્યા છે. ઈટલીમાં કોરોના વાયરસનો કહેર સૌથી વધારે છે. ઈટલી સિવાય યૂરોપના બ્રિટન, સ્પેન, જર્મની જેવા દેશો પણ આ મહામારીની બિમારીની ઝપેટમાં આવ્યા છે. સમગ્ર યૂરોપમાં કોરોના વાયરસનો કહેર ફેલાયો છે. ખાલી ઈટલીમાં 86,498 કેસ નોંધાયા છે. ઈટલીમાં આ પહેલા ગુરુવારે 712, બુધવારે 683, મંગળવારે 743 અને સોમવારે 602 લોકોના મોત નિપજ્યા છે. ઈટલીમાં કોરોનાના 86498 કેસ છે જ્યારે 9, 134 લોકોના મોત છે. તેની સરખામણીએ અમેરિકાનો મૃત્યુ દર ઓછો છે. જ્યારે ચીનમાં 81, 394 કેસ છે. અને અહીં 3295 લોકોના મોત નિપજ્યા છે.
સ્પેનની સ્થિતિ શુ છે
સ્પેનમાં આ એક દિવસમાં સૌથી વધારે મોત થયા છે. સ્પેનમાં છેલ્લા 24 કલાકમાં 769 લોકોના મોત નિપજ્યા છે. સ્પેનમાં કોરોના વાયરસની સંખ્યામાં 8000 નવા કેસ સામે આવ્યા છે. જેને કારણે અહી કોરોના વાયરસના કેસની સંખ્યા 65719 થઈ છે. જ્યારે અહીં 5138 લોકોના મોત નિપજ્યા છે.
ચીનમાં વિદેશથી આવેલા 54 નવા કેસ સામે આવ્યા
ચીનના રાષ્ટ્રીય સ્વાસ્થ્ય આયોગે શનિવારે કહ્યું કે ચીનમાં છેલ્લા કેટલાક દિવસોમાં 649 પોઝિટિવ કેસ સામે આવ્યા છે. શુક્રવારે ચીનમાં 54 નવા કેસ સામે આવ્યા હતા. આ તમામ લોકો વિદેશથી આવ્યા હતા..
ગૂગલે મદદની જાહેરાત કરી
ગૂગલે કોરોના વાયરસની સામે લડવા માટે ગુગલે સ્વાસ્થ્ય સંસ્થાનો અને વૈજ્ઞાનિકોને 80 કરોડની મદદ કરવાની જાહેરાત કરી છે.
24 કલાકમાં ભારતમાં 149 કેસ સામે આવ્યા
છેલ્લા 24 કલાકમાં ભારતમાં 149 કેસ સામે આવ્યા છે. ભારતમાં સંક્રમણની સંખ્યામાં વધારો થઈ રહ્યો છે. ભારતમાં કોરોના પોઝિટિવ કેસની સંખ્યા 902ને પાર થઈ ગઈ છે. જ્યારે અત્યાર સુધીમાં 20 લોકોના મોત થઈ ગયા છે. તેમજ 84 લોકો સાજા થઈ ગયા છે. હાલ ભારતમાં 799 એક્ટિવ કેસ છે.