કોવિડ 19 / કોરોનાની બ્રેક વગરની સાઇકલ, સતત વધતો એક્ટિવ કેસનો આંકડો, દેશમાં આજે ફરી નોંધાયા 18 હજારથી વધારે કેસ

• ભારતમાં છેલ્લા 24 કલાકમાં 18,257 નવા કેસ 
• 14,553 દર્દીઓ સજા થયા તો 42 લોકોના મૃત્યુ 
• સક્રિય કેસ 1,28,690, દૈનિક હકારાત્મકતા દર 4.22%

ભારતમાં કોરોના સંક્રમણ રોકવાનું નામ નાથી લઈ રહ્યું છે. છેલ્લા કેટલાક દિવસોથી કોરોના કેસોમાં સતત વધરો થતો હોય ચિંતાજનક સ્થિતિ ઊભી થઈ છે. દેશમાં છેલ્લા 24 કલાકમાં કોવિડ-19ના 18,257 નવા કેસ નોંધાયા છે અને તેના કારણે 42 લોકોના મોત થયા છે. દેશમાં હાલમાં કોરોનાના સક્રિય કેસ 1,28,690 છે. 

આરોગ્ય મંત્રાલયના તાજેતરના અપડેટ મુજબ, કોરોનાનો દૈનિક હકારાત્મક દર 4.22% છે. જ્યારે છેલ્લા 24 કલાકમાં કોરોનાના 14,553 દર્દીઓ સાજા થયા છે. જોકે કોરોના સંક્રમણ જડપથી ફેલાઈ રહ્યું હોય સાવચેતી પણ જરૂરી બની છે. 

 

#COVID19 | India reports 18,257 fresh cases, 14,553 recoveries and 42 deaths in the last 24 hours.

Active cases 1,28,690
Daily positivity rate 4.22% pic.twitter.com/eKWeVYDlen

— ANI (@ANI) July 10, 2022

ગઇકાલે પણ નોંધાયા હતા 18,840 કેસ 

ગઇકાલે દેશભરમાં કોવિડ-19ના કુલ 18,840 નવા કેસ નોંધાયા હતા. આ સાથે કોરોના વાયરસને કારણે 43 લોકોના મોત થયા હતા. ગઇકાલે ભારતમાં કોરોનાના સક્રિય કેસ 1.25 લાખને વટાવી ગયા હતા તો દેશમાં કુલ સક્રિય કેસનો આંકડો વધીને 1,25,028 થઈ ગયો હતો. 

ગુજરાતમાં પણ કોરોના બેકાબૂ 

ગુજરાતમાં પણ છેલ્લા 24 કલાકમાં 668 નવા કેસ સાથે એક્ટિવ કેસનો આંકડો 4046 પર પહોંચ્યો છે. રાજ્યમાં હાલ 5 દર્દી વેન્ટિલેટર પર છે બાકીના તમામ સ્ટેબલ છે. તો 98.79 ટકા રિકવરી રેટ છે. આજે પણ એકે'ય દર્દીનું મોત નથી થયું. રાજ્યમાં કોરોનાથી કુલ 10948 લોકોના મૃત્યુ થયા છે.