ડ્રગ્સની બદી / 6 માસમાં 1400 કરોડથી વધુ નશાખોરીના પદાર્થો ઝડપાયા, ખુદ ગુજરાત સરકારે રજૂ કર્યા આંકડા

• ડ્રગ્સ કેસ પર ગૃહરાજ્યમંત્રી હર્ષ સંઘવીનું મોટું નિવેદન
• "કોંગ્રેસીઓને સવાલ પુછીએ છીએ કે ડ્રગ્સ પકડવું એ ગુનો છે?"
• "પોલીસના જવાનોએ કરેલી કામગીરી અભિનંદનને પાત્ર છે"

રાજ્યમાં નશાના વેપલાના કેસોમાં ધરખમ વધારો થયો છે જેની માહિતી ખુદ રાજ્ય સરકારે હાલમાં ચાલી રહેલા બજેટ સત્રમાં આપી છે. છેલ્લા 6 મહિનામાં 1,412 કરોડથી વધુની કિંમતનું બ્રાઉન સુગર ડ્રગ્સ ગુજરાતમાં ઝબ્બે કરવામાં આવ્યું છે. ગૃહમાં NDPS અંતર્ગતના નાર્કોટિક્સના કેસો અંગે સરકારે વધુ માહિતી આપતા કહ્યું હતું કે બ્રાઉન સુગર ઝડપાવાના 6 કેસમા 26 શખ્સો સામે કાર્યવાહી જ્યારે બ્રાઉન સુગર ઝડપાવાના 6 કેસમા 26 શખ્સો સામે કાર્યવાહી બ્રાઉન સુગર ઝડપાવાના 6 કેસમા 26 શખ્સો સામે કાર્યવાહી, ગાંજો ઝડપાવાના 167 કેસમાં 227 આરોપીઓ સામે કાર્યવાહી કરવામાં આવી છે.

6 મહિનામાં 1400થી વધુ કરોડનો નશાયુક્ત પદાર્થ ગુજરાતમાં ઝડપાયો
તા:૦૧/૦૯/૨૦૨૧ થી તા:૨૮/૦૨/૨૦૨૨ સુધીમાં NDPS એક્ટ હેઠળ રાજ્યમાં ૨૫૭ કેસ દાખલ કરીને ૩૯૭ આરોપીઓની ધરપકડ કરવામાં આવી છે. તેમા અંદાજે ૧૬,૪૩૨.૩૭૫ કિલોગ્રામનો મુદ્દામાલ જપ્ત કરાયો છે જેની અંદાજીત કિંમત ૧૪,૫૯,૦૬,૨૪,૫૭૩/- (ચૌદસો ઓગણ સાઇઠ કરોડ થી વધુ) થાય છે. રાજ્યમાં ગાંજાના કેસમાં ૧૬૭ કેસ સામે ૨૨૭ આરોપીઓ, અફીણના કેસમાં ૧૨ કેસ સામે ૧૬ આરોપી, ચરસના કેસમાં ૧૬ કેસ સામે ૩૩ આરોપીઓ, હેરોઇન/બ્રાઉન સુગરના કેસમાં ૬ કેસ સામે ૨૬ આરોપીઓ,અન્ય/સેન્થેટીક ડ્રગ્સના કેસમાં ૫૭ કેસ સામે ૯૫ આરોપીઓ સામે કાર્યવાહી કરાઇ છે.

'મુંદ્રા અદાણી પોર્ટ પર 21 હજાર કરોડના ડ્રગ્સ ઝડપાવા મામલે કડક કાર્યવાહી કરી'
ગૃહરાજ્યમંત્રી હર્ષ સંઘવીએ કહ્યું હતું કે અમે તો સામે ચાલીને ગુજરાતની બોર્ડર પરથી ઘુસતા ડ્રગ્સને પકડવા માટે રાજકીય દ્રઢ ઇચ્છાશક્તિ સાથે મક્કમ નિર્ધાર કરીને કામગીરી કરી રહ્યા છીએ અને કરતા રહીશું. આવા તત્વોને ગુજરાતમાં પગ મુકવા નહીં દઇએ. ગૃહ મંત્રીએ કહ્યું કે, તાજેતરમાં મુંદ્રા અદાણી પોર્ટ ખાતે ડી.આર.આઇ. (કસ્ટમ) દ્વારા માદક પદાર્થ હેરોઇનનો અંદાજીત જથ્થો ૨૯૯૮ કિલોગ્રામ (ટેલકમ પાવડર સહીત) જેની કિંમત રૂપિયા એકવીસ હજાર કરોડ ગણી આરોપીઓ વિરૂધ્ધ એન.ડી.પી.એસ. એક્ટ હેઠળ કાયદેસરની કાર્યવાહી કરી ડી.આર.આઇ., ખાતે ગુનો દાખલ કરાયો છે. જેની તપાસ રાષ્ટ્રની સુરક્ષાને ધ્યાને લઇને નેશનલ ઇન્વેસ્ટીગેશન એજન્સી (NIA)ને કેન્દ્ર સરકાર દ્વારા સોંપવામાં આવી છે જેમાં ૧૧ આરોપીઓને પકડી પાડવામાં આવ્યા છે તે પૈકી ૪ અફઘાનિસ્તાનના નાગરીકો છે. રાજ્ય સરકાર એન.સી.બી/ કસ્ટમ વિભાગ/ડી.આર.આઇ., કોસ્ટલ ગાર્ડની સાથે સ્નિફર ડોગ જે ખાસ પ્રકારે નાર્કોટીક્સના પદાર્થોની તાલીમ પામેલા હોય છે
તેનું પણ આયોજન કરી રહી છે.

'વિપક્ષ ડ્રગ્સ મુદ્દે રાજનીતિ બન કરે'
ગૃહરાજ્ય મંત્રીએ કોંગ્રેસ પર આકરા પ્રહાર કરતાં કહ્યું કે ગુજરાત સરકાર ડ્રગ્સ વિરોધી જે કામગીરી કરીરહી છે તે સંદર્ભે પોલીસ દ્વારા કોઇ ભૂલ થતી હોય કે ઢીલ જણાતી હોય તે સંદર્ભે એક પ્રજાના પ્રતિનીધિ તરીકે તેમની તમામ વાતો અને સૂચનો અમે આવકારવા અને ચર્ચા કરવા તૈયાર છીએ. ગૃહમાં નાગરીકોએ પોતાના સપના સાકાર કરવા જ્યારે આપણને સૌને કિંમતી મત આપીને અહીં મોકલ્યા છે ત્યારે ગુજરાતનું ભવિષ્ય ઉજ્જવળ થાય તે માટે સરકાર કે ધારાસભ્ય તરીકે આપણે સૌએ સહયારા પ્રયાસો કરવા જોઇએ નહીં કે રાજનીતિ કરવી જોઇએ.

તેમણે ઉમેર્યુ કે, પોલીસની ભૂલ હોય તો ધારાસભ્ય તરીકે આપ ચોક્કસ વિરોધ કરો. આપના સૂચનો અમારા માટે આવકાર્ય છે. પરંતુ રાજ્યના યુવાનોના ઉજ્જવળ ભવિષ્ય માટે ડ્રગ્સ કાર્ટેલરોને અમે પકડીએ છીએ તો કોંગ્રેસને કેમ પેટમાં દુખે છે? એ અમને સમજાતું નથી. ખેડૂતો માટેની મહત્વની ચર્ચા ચાલી રહી હતી ત્યારે ડ્રગ્સ અંગે ખોટો મુદ્દો ઉપાડીને જાણે ડ્રગ્સ સપ્લાયરોને મદદ કરવાનું અગાઉ થી નક્કી કરીને આવ્યા હોય તેવું વાતાવરણ ઉભુ કરી સરકારને બદનામ કરવાનો હિન પ્રયાસ કર્યો છે. મંત્રી સંઘવીએ ઉમેર્યુ કે, ડ્રગ્સ બાબતે દેશભરમાં કોંગ્રેસ જે વાત કરે છે એ સંદર્ભે એમણે કોંગ્રેસ શાસિત મુંબઇ અને રાજસ્થાનમાં સરકાર છે ત્યાં શું થઇ રહ્યું છે તે જોવાની જરૂર છે. રાજસ્થાનમાં અફીણની ખેતી થઇ રહી છે તેના પર કોંગ્રેસ કઈક બોલે