અસર / ઍન્જિનિયરિંગ કોલેજોની હાલત કફોડી, રાજ્યમાં આટલી કોલેજો બંધ થવાને આરે

• વિદ્યાર્થીઓ ઘટ્યા
• એન્જીનીયરિંગ બેઠકોમાં ઘટાડો
• ECમાં નથી મળતા વિદ્યાર્થીઓ

ઉલ્લેખનીય છે કે, GTUમાં કોર્સ અને કોલેજ બંધ કરવા માટે અરજી આવી રહી છે. અનેક કોલેજો તરફથી બંધ કરવા માટે અરજી કરવામાં આવી છે. એક સમયે એન્જિનિયરિંગમાં એડમિશનની માટે પડાપડી થઈ હતી. જોકે, હવે ડીગ્રી અને ડિપ્લોમા એન્જિનિયરિંગમાં બેઠકો ખાલી રહેતા 3 હજાર બેઠકો ઘટાડવાનો નિર્ણય કરવામાં આવ્યો છે. 

આડેધડ મંજૂરીઓ પડી મોંઘી 

આપને જણાવી દઇએ કે, ખાનગી કોલેજોને પ્રોત્સાહન આપવા આડેધડ મંજૂરીઓ આપવામાં આવી હતી. જોકે, હવે વિદ્યાર્થીઓનો એન્જિનિયરિંગમાં રસ ઘટતા બેઠકો ખાલી પડી છે. જેથી 22 ડીગ્રી એન્જિનિયરિંગ કોલેજોએ કોર્સ ઘટાડવા મંજૂરી માગી છે. 

13 ડિપ્લોમા કોલેજોએ કોર્સ ઘટાડવા મંજૂરી માગી

આ સાથે જ 13 ડિપ્લોમા કોલેજોએ કોર્સ ઘટાડવા મંજૂરી માગી છે. જેથી ડીગ્રી એન્જિનિયરિંગમાં 1830 બેઠકો ઘટશે. જ્યારે ડિપ્લોમા કોલેજોમાં 110 બેઠકો ઘટશે. આપને જણાવી દઈએ કે, ચાલુ વર્ષે પણ 50 ટકાથી વધારે બેઠકો ખાલી રહેવાની સંભાવના છે. વિદ્યાર્થીઓ ન મળતા કોલેજ અને કોર્સ બંધ કરવાની ફરજ પડી રહી છે..