બેંકના ગ્રાહકો માટે એક સારા સમાચાર છે. ભારતીય સ્ટેટ બેંક PNB સહિત પ્રાઇવેટ સેક્ટરની HDFC બેંક ICICI બેંક એક્સિસ બેંક જેવી બેંકોએ ફિક્સ્ડ ડિપોઝિટ પર મળતા વ્યાજના દરોમાં વધારો કર્યો છે. FD પર વ્યાજના દરોમાં થયેલા વધારાથી નાના રોકાણકારો માટે સુરક્ષિત અને વધારે રિટર્ન મેળવવાનું માધ્યમ બની ગયુ છે. જાણો કઇ બેંકમાં FD કરાવવાથી વધારે રિટર્ન મળશે.
SBIએ 0.10% સુધી વધાર્યા વ્યાજદર:
ભારતીય સ્ટેટ બેંકે FD પર વ્યાજ દરોમાં 0.05-0.10% સુધીનો વધારો કર્યો છે. 1-2 વર્ષની FD પર 6.7% ની જગ્યાએ 6.8% વ્યાજ મળશે. જ્યારે 2-3 વર્ષની FD રકમ પર 6.75%ની જગ્યા 6.7% જેટલુ વ્યાજ મળશે.
HDFC 0.50% સુધીનો કર્યો વધારો:
HDFC બેંકે સામાન્યથી વરિષ્ઠ નાગરિકો માટે FDના વ્યાજ દરોમાં 0.05%થી લઇને 0.50% સુધીનો વધારો કર્યો છે. એક વર્ષની અવધિ માટે FD પર 7.3% નું વ્યાજ મળશે. જ્યારે આ દર પહેલા 7.25% હતો. તો બીજી તરફ 305 વર્ષ માટેનો વ્યાજ દર વધારીને 7.25% કરવામાં આવ્યો છે જે પહેલા 7.1% હતો.
ICICIએ કર્યો 0.25% સુધીનો વધારો:
ICICIએ FD પરના વ્યાજ દરોમાં 0.25% સુધીનો વધારો કર્યો છે. બેંક 2 કે તેનાથી વધારે 3 વર્ષ માટેની અવધિ માટે 1 કરોડ રૂપિયા જમા કરાવવા પર 7.50% ના દરથી વ્યાજ આપશે. જે પહેલાનો વ્યાજ દર 7.25% હતો.