કમલમ્ ખાતે પ્રદેશ પ્રમુખ જીતુ વાઘાણીની ખાસ ઉપસ્થિતિમાં ગુજરાતના કેટલાય નામી-અનામી કલાકારોએ ભાજપમાં સભ્યપદ પ્રાપ્ત કર્યું હતું. પક્ષના પ્રદેશ અધ્યક્ષ જીતુભાઇ વાઘાણી તથા પ્રવક્તા ભરત પંડ્યાએ તમામ કલાકારોને ભાજપને ખેસ પહેરાવીને પક્ષમાં આવકાર્યા હતા.
— VTV Gujarati News and Beyond (@VtvGujarati) July 24, 2019
અનેક ગુજરાતી કલાકારોએ કર્યા 'કેસરિયા'
દેશના ગૌરવ માટે ગરવા ગુજરાતી તરીકે આ કલાકરો કામ કરી રહ્યાં છે. ભાજપનો મુળ વિચાર સામાજિક સમરસતા છે. આ પ્રસંગે અરવિંદ વેગડા, એશ્વર્યા મજમુદાર, કિંજલ દવે , સૌરભ રાજ્યગુરૂ, પ્રાંજલ ભટ્ટ, પાર્થ ઠક્કર તેમજ પૂજા પ્રજાપતિ સહિતના ધણા કલાકારો ભાજપમાં જોડાયા છે.
દેશના સારા ભવિષ્ય માટે ભાજપમાં જોડાઈ
ઐશ્વર્યા મજમુદારએ જણાવ્યું કે જો દેશના સારા ભવિષ્ય માટે ભાજપમાં જોડાઈ રહી છું. જે રીતે દેશમાં વિકાસ થઈ રહ્યો છે તે ભાજપની સાથે રહીને જ લાવી શકીશું. STAR Voice of India ફેમ ઐશ્વર્યા મજમુદાર પણ જાણીતી ગુજરાતી ગાયિકા છે. તેણે પણ ભાજપ સાથે જોડાવાનો નિર્ણય કર્યો છે.
અરવિંદ વેગડાની VTV સાથે ખાસ વાતચીત
અરવિંદ વેગડાએ VTV સાથે ખાસ વાત કરી હતી. જેમાં તેમને જણાવ્યું કે, હું 2012થી ભાજપ સાથે જોડાયેલો છું અને હવે સદસ્યતા અભિયાનમાં જોડાવવા જઈ રહ્યો છું. સમાજ માટે કંઈક કરવા માગું છું. તેથી જ ભાજપ સાથે જોડાઈને કાર્ય કરવા માગુ છું.
મને હંમેશા જે સત્ય લાગે છે તે જનતાને જણાવું છું. નોંધનીય છે કે અરવિંદ વેગડાના કંઠે ગવાયેલું ભલા મોરી રામા ગીત સમગ્ર ગુજરાત જ નહીં પરંતુ અન્ય રાષ્ટ્રો જ્યાં ગુજરાતીઓ વસવાટ કરી રહ્યા છે ત્યા અચુક સાંભળવા મળે છે.