અમેરિકામાં અત્યાર સુધીના સૌથી વધુ મોતો 9/11ના આતંકી હુમલામાં થયા છે પરંતુ કોરોના વાયરસને કારણે થતી મોતના આંકડાએ તેને પાછળ છોડી દીધો છે. 11 સપ્ટેમ્બર 2001ના આતંકી હુમલામાં સરકારી રેકોર્ડ મુજબ 2977 લોકોના મોત નિપજ્યા હતા.
કોરોના અમેરિકા માટે 9/11 કરતા પણ ખતરનાક નીકળ્યો
અત્યાર સુધીમાં 3000થી વધુ લોકોના મોત
ઓગસ્ટ સુધીમાં 82,141 લોકોના થઇ શકે મૃત્યુ
11 સપ્ટેમ્બર 2001ના સંયુક્ત રાજ્ય અમેરિકા પર આતંકી સંગઠન અલ-કાયદાએ જે હુમલો કર્યો હતો તે આત્મઘાતી હુમલાની શ્રૃંખલા હતી. તે દિવસે 19 અલકાયદાના આતંકીઓએ 4 યાત્રી વિમાનોનું અપહરણ કરીને 2 વિમાનોને વર્લ્ડ ટ્રેડ સેન્ટર, ન્યૂયોર્ક શહેરના ટ્વીન ટાવર્સની સાથે અથડાવ્યા હતા.
કેટલાય લોકોના થયાં મોત
જેના કારણે વિમાનમાં સવાર તમામ લોકો તથા ભવનમાં કામ કરી રહેલા લોકોના કમકમાટીભર્યા મોત નિપજ્યા હતા. બંન્ને મોટી ઇમારતો 2 કલાકની અંદર ઢળી પડી હતી આ સાથે જ તેની આસપાસ રહેતી ઇમારતો પણ તબાહ થઇ ગઇ હતી તો કેટલીક ઇમારતોને નુકસાન પણ પહોચ્યું હતું.
અત્યાર સુધીમાં કોરોનાને કારણે અમેરિકામાં 3050 મોત
ડેઇલી મેઇલ યુ.એસના સમાચાર અનુસાર, આતંકવાદી હુમલામાં માર્યા ગયેલા લોકોની સંખ્યા કરતા વધારે મોત કોરોના વાયરસના કારણે થયાં છે. સોમવારે, યુ.એસમાં રેકોર્ડ 541 લોકોના મોત થયાં હતા. આ રીતે, જ્યાં 10 માર્ચે કોરોના વાયરસથી 5 મૃત્યુ થયા હતા, 30 માર્ચ સુધીમાં આ મૃત્યુની સંખ્યા 3050 થઈ ગઈ છે.
વાયરસને હરાવો અથવા હાર માની લો : ટ્રમ્પ
આ મહામારીને કારણે થતાં મોત અંગે અમેરિકી રાષ્ટ્રપતિ ડોનાલ્ડ ટ્રમ્પે અમેરિકન લોકોને અપીલ કરી હતી અને કહ્યું હતું કે હવે આપણું ભવિષ્ય આપણા હાથમાં છે. હવે આપણી ચોઇસ છે કે સોશિયલ ડિસ્ટન્સની આ ગાઇડલાઇનને અનુસરીને આ વાયરસને હરાવો નહીંતર હાર માનો.
ઓગસ્ટ સુધીમાં 82,141 લોકોના થઇ શકે મૃત્યુ
એવું માનવામાં આવે છે કે 4 ઓગસ્ટ સુધીમાં, અમેરિકામાં 82,141 મૃત્યુ થઈ શકે છે. સોમવાર સુધીમાં કોરોના ચેપગ્રસ્ત લોકોને 1,64,000 કેસ નોંધાયા છે. સોમવારે તેમાં 20 હજારનો વધારો થયો હતો.