કોરોના વાયરસ / આ વ્યક્તિઓમાં વધારે પ્રમાણમાં હોય છે એન્ટીબોડીઝ, સામે આવ્યું મોટું કારણ

• કોરોના વાયરસને લઈને આવ્યું નવું તારણ
• પુરુષો કરતાં મહિલાઓમાં વધુ હોય છે એન્ટીબોડીઝ
• કોરોનાની સાથે એન્ટીબોડીઝની પણ થઈ રહી છે તપાસ

રાજધાની દિલ્હીની અનેક પર્સનલ લેબમાં એન્ટીબોડીઝની તપાસ પણ થઈ રહી છે. વિવેક વિહારમાં ડીઆર લેબના ડોક્ટરનું કહેવું છે કે છેલ્લા 2 મહિનામાં લગભગ 300 લોકો એન્ટીબોડીઝની તપાસ કરાવી ચૂક્યા છે. તેમાંથી 40 લોકોમાં સંક્રમણને વિરુદ્ધ એન્ટીબોડીઝ મળ્યા છે. તેમાં 20થી વધારે મહિલાઓ છે. આ પણ એક શોધનો વિષય છે કે મહિલાઓમાં પુરુષો કરતાં એન્ટીબોડીઝ શા માટે વધારે હોય છે. તેના અનેક કારણો હોઈ શકે છે. 

જીવનશૈલી છે મુખ્ય કારણ

પુરુષોની જીવનશૈલીમાં ધૂમ્રપાન અને દારૂ મહિલાઓની સરખામણીએ વધારે પ્રમાણમાં જોવા મળે છે. કોરોનામાં શ્વાસ સંબંધી સમસ્યાઓ સૌથી વધારે હોય છે. ધૂમ્રપાનથી ફેફસાને નુકસાન થાય છે. આ કારણે પુરુષોનું સ્વાસ્થ્ય પહેલાથી ખરાબ રહે છે. 

પ્લાઝમા દાન માટે આગળ આવે મહિલાઓ

એમ્સના પૂર્વ ડોક્ટરે અપીલ કરી છે કે જે મહિલાઓમાં સંક્રમણની વિરુદ્ધ એન્ટીબોડીઝ મળી રહ્યા છે તેઓએ પ્લાઝમા દાન કરવા માટે આગળ આવવું જોઈએ. તેનાથી સ્વાસ્થ્ય પર કોઈ પ્રભાવ પડતો નથી. આ નાની પહેલથી કોઈનું જીવન બચી શકે છે.