વડોદરા / ગેરકાયદેસર બાંધકામની ભરમાર, 100થી વધુ ક્લાસીસ કરાયા સીલ

વડોદરામાં વિદ્યાર્થીઓ છેલ્લા ઘણા સમયથી જીવના જોખમે અભ્યાસ કરી રહ્યા છે. શહેરમાં દિવસે દિવસે ગેરકાયદેસર બાંધકામ વધી રહ્યા છે. રહેણાંક વિસ્તારમાં પણ શાળાઓ ચલાવવામાં આવે છે. ત્યારે શહેરની 100થી વધુ ખાનગી શાળાઓમાં ફાયર સેફ્ટીનો અભાવ જોવા મળ્યો છે.

સુરતના અગ્નિકાંડ બાદ જિલ્લા શિક્ષણ વિભાગ દ્વારા કાર્યવાહી કરવામાં આવી છે. શાળાઓને ફાયર સેફ્ટીનો અહેવાલ રજૂ કરવાના આદેશ પણ આપવામાં આવ્યા છે. તંત્ર દ્વારા કાર્યવાહી કરવામાં આવતા સમા, માંજલપુર, વાઘોડીયા સ્પોર્ટસ ક્લબ પાસે NOC મળ્યુ ન હતુ.

શહેરમાં ટ્યુસન ક્લાસીસથી પણ વધુ જોખમી રીતે સંચાલકો સ્કૂલ ચલાવી રહ્યા છે. તંત્રની રહેમ નજર હેઠળ શાળાઓ જોખમી બની રહી હોવાના સ્થાનિકો દ્વારા આક્ષેપ કરવામાં આવ્યા છે. 

ઉપરાંત ફાયર વિભાગના આદેશ બાદ DEOએ સ્કૂલો પાસેથી ફાયર સેફ્ટીનો અહેવાલ પણ મંગાવ્યો છે. DEOએ 3 દિવસમાં સ્કૂલના સંચાલકો અને પ્રિન્સિપાલને ફાયર સેફ્ટીનો અહેવાલ આપવાનો આદેશ આપ્યો છે.