મોરબીની સિવિલ હોસ્પિટલમાં ફરી એક વખત બેદરકારી સામે આવી છે. કોરોનાના એક દર્દીએ વોર્ડમાં ચાલી રહેલા લાલિયાવાડીનો વીડિયો વાયરલ થયો છે.. મોરબી સિવિલમાં યોગ્ય સારવાર ન મળતી હોવાનો દર્દીએ વીડિયોમાં દાવો કર્યો છે.
મોરબીના વાંકાનેર સિવિલ હોસ્પિટલની ગંભીર બેદરકારી
કોરોનાના દર્દીને વોર્ડમાં રાખી તાળુ મરાયું
વીડિયો સોશિયલ મીડિયામાં વાયરલ
જેના કારણે રાજકોટની સિવિલ હોસ્પિટલમાં ટ્રાન્સફર થયુ હોવાનો દર્દીએ વીડિયોમાં ઉલ્લેખ કર્યો છે. આ વીડિયો વાયરલ થતા મોરબી સિવિલ હોસ્પિટલની સામે અનેક સવાલ થઈ રહ્યા છે.
દર્દીનો હોસ્પિટલમાં પુરીને સ્ટાફ ચાલ્યો ગયો
તો આ તરફ મોરબીના વાંકાનેર સિવિલ હોસ્પિટલની ગંભીર બેદરકારી સામે આવી છે. હોસ્પિટલમાં કોરોનાના મહિલા દર્દીને વોર્ડમાં રાખીને તાળુ મારવામાં આવ્યુ. નર્સિગ સ્ટાફ દર્દીને વોર્ડમા રાખી તાળુ મારી જતો રહ્યો હતો. આ ઘટના બાદ મહિલા દર્દીએ સ્ટાફને અનેક ફોન કર્યા હતા.
વીડિયો સોશિયલ મીડિયામાં વાયરલ
જોકે કલાકો સુધી સ્ટાફમાંથી કોઈ આવ્યુ ન હતુ. જેના કારણે મહિલા દર્દીને પરેશાનીનો સામનો કરવાનો વારો આવ્યો. આ ઘટનાનો મહિલા દર્દીએ ઓડિયો અને વીડિયો બનાવ્યો હતો. ત્યારે હવે ઘટનાનો ઓડિયો અને વીડિયો સોશિયલ મીડિયામાં વાયરલ થઈ રહ્યો છે. તો એવી પણ ઘટના બની હતી હતી આ જ હોસ્પિટલમાં એક કુતરાને પુરીને દવાખાનાનો સ્ટાફ ચાલ્યો ગયો હતો.