દેશ અને દુનિયા છેલ્લા છ માસ કરતા પણ વધુ સમયગાળાથી કોરોનાના કહેર સામે ઝઝૂમી રહી છે. કોરોના સંકટને કારણે હજુ પણ મોટાભાગના ઉધોગ ધંધામાં ભારે મંદીનો માહોલ છે પણ મોરબીના સીરામીક ઉધોગમાં એનાથી ઉલટી ગંગા જોવા મળી છે.
એપ્રિલથી જુલાઈ સુધી રૂ.2700 કરોડનું જંગી એક્સપોર્ટ
સીરામીક ઉધોગમાં લોકડાઉન ખુલ્યા પછી તેજી છે. તેનું મુખ્ય કારણ એ છે કે વિદેશોમાં ચીનના માર્કેટનું મોટું પ્રભુત્વ છે પણ ચીનની નીતિઓથી અનેક દેશો તેનો વિકલ્પ શોધતા હતા. તેવામાં ચીનમાં કોરોનાની શરૂઆત થતા વિદેશોમાં ચીનનો તિરસ્કાર થવા લાગ્યો અને વિદેશોમાં ચીનના વિકલ્પમાં મોરબીનો સીરામીક ઉધોગ ઉભરી આવ્યો જેના કારણે લોકડાઉન ખુલતાની સાથે જ વિદેશોમાં મોરબીના સીરામીક ઉધોગના ટાઇલ્સની મોટાપાયે નિકાસની ઉજળી તકો મળી છે. સીરામીક ઉધોગનું એક્સપોર્ટ વધવાની સાથે ડોમેસ્ટિક માર્કેટમાં પણ તેજી આવી છે.
સીરામીક ઉદ્યોગ પહેલાથી વિદેશોમાં 80.ટકા જેટલા સીરામીક માલનું એક્સપોર્ટ કરે છે. કોરોનાને કારણે ગત એપ્રિલ અને મેં માસમાં સીરામીક ઉદ્યોગ બંધ હતો.લોકડાઉન ખુલતા સીરામીક ઉદ્યોગ શરૂ તો થયો પણ ઉધોગકારોને ડર હતો કે, કોરોનાને કારણે મંદી જેવો માહોલ હોવાથી વિદેશોમાં બિઝનેસની ગતિવિધિ ડીમ પડશે અને સીરામીક ટાઇલ્સની ડિમાન્ડ ઘટશે. પણ આ માન્યતા ખોટી પડી અને એનાથી સાવ ઊલટું જ થયું. કોરોના અને લોકડાઉન ફળ્યા હોય એમ લોકડાઉન પછી સીરામીક ઉદ્યોગમાં તેજી આવી છે.
એપ્રિલથી જુલાઈ સુધી રૂ.2700 કરોડનું જંગી એક્સપોર્ટ
ચાઇનામાં કોરોનાને પગલે અન્ય તમામ દેશોમાં ચાઇનાની છબી ખરડાઈ હતી અને ચાઇનાનું માર્કેટ ડીમ પડી ગયું. ચાઇનાનો માલ લેતા વિશ્વના અનેક દેશો મોરબીના સીરામીક ઉદ્યોગ તરફ વળ્યા અને સીરામીક ટાઇલ્સની જબરી ડિમાન્ડ ઉભી થઇ. સીરામીકનું એક્સપોર્ટ વધ્યું એટલું જ નહીં પણ ડોમેસ્ટિક માર્કેટમાં પણ તેજી આવી છે. લોકડાઉનમાં જે બે મહિનાની ખોટ ભોગવવી પડે એની પણ સરભર કરીને એપ્રિલથી જુલાઈ સુધી રૂ.2700 કરોડનું જંગી એક્સપોર્ટ થયું છે. જે ગયા વર્ષની સમકક્ષ છે. જો ચાર મહિના આટલું જંગી એક્સપોર્ટ ઘાય તો 12 મહિનામાં સીરામીકનું એક્સપોર્ટ આભને આંબી જશે.
ઇન્ટરનેશનલ માર્કેટ પ્રમાણે જ છેલ્લા 10 વર્ષેથી સીરામીક ઉધોગમાં અવનવી ડિઝાઇન
સીરામીક ઉધોગે કોરોનાના કાળમાં ચાઇનાને જોરદાર હંફાવીને પાછળ રાખી દીધું છે. જોકે આશ્ર્ચર્યની વાત એ છે કે ડોમેસ્ટિક માર્કેટ પણ વધ્યું છે. ડોમેસ્ટિક માર્કેટ વધવાનું કારણ એ છે કે, મેટ્રોસીટી તો સાત આઠ વર્ષથી નથી. મેટ્રોસિટીમાં તો રિયલ એસ્ટેસ્ટમાં વધુ ચાલે પણ જિલ્લા અને તાલુકા વાઇઝ ટુ ટાયર અને થ્રિ ટાયર સીટીમાં 25 એપ્રિલ પછી વેપાર ધંધા ખુલ્લા થઈ ગયા હતા.
હાલ 25 ટકા ગ્રોથ સાથે એક્સપોર્ટ
આથી આ સીટીઓમાં પણ ડિમાન્ડ વધતા છે. ડોમેસ્ટિક માર્કેટ વધ્યું છે. ઇન્ટરનેશનલ માર્કેટમાં એન્ટી ચાઇના માહોલને કારણે સીરામીક ઉધોગ હાલ વિકાસની નવી ક્ષિતિજો સર કરી રહી છે. સીરામીક ઉધોગની ગ્લોબલ પ્રોડક્ટ છે. ઇન્ટરનેશનલ માર્કેટ પ્રમાણે જ છેલ્લા 10 વર્ષેથી સીરામીક ઉધોગમાં અવનવી ડિઝાઇન વાળી સીરામીક ટાઇલ્સનું ઉત્પાદન થાય છે. તેથી હાલ 25 ટકા ગ્રોથ સાથે એક્સપોર્ટ વધી ગયું છે. આગામી સમયમાં વિશ્વ માર્કેટમાં સીરામીક ઉધોગને ઉજળા સંજોગો છે.