પ્રેમીએ દગો દેતા આપઘાત કરવા જતી યુવતિને મળ્યો નવો જીવન સાથી જાણો કહાની

મોરબી પોલીસે `પોલીસ પ્રજાનો મિત્ર' યુક્તિને સાર્થક ઠેરવતું માનવતાનું ઉત્કૃષ્ઠ ઉદાહરણ રજૂ કર્યું હતું. જેમાં એક પરિણીત પ્રેમી દ્વારા તરછોડાયેલી અને આપઘાત કરવા જતી યુવતનીનો હળવદ પોલીસે સમજાવટથી જીવ તો બચાવ્યો સાથે જ યુવતીને તેના જીવનની એક નવી જ મંઝિલ તરફ લઈ જઈને એક નહીં બે-બે જીંદગીને રંગીન બનાવી દીધી હતી.

એક તરફ પરિણીત પ્રેમીએ અને બીજી તરફ સગા માતા-પિતાએ તરછોડયા બાદ સાવ નિરાધાર અને નિ:સહાય થઈ ગયેલી યુવતીને મોરબી પોલીસે આપઘાતના માર્ગેથી પાછી વાળી હતી એટલું જ નહીં. મોરબી પોલીસે આ યુવતીના લગ્ન હોમગાર્ડમાં ફરજ બજાવતા એક જવાન સાથે યુવતીની સંમતિથી કરવી આપ્યા હતા. હળવદ પોલીસની આ પહેલ ચારે દિશામાંથી પ્રશંસા મેળવી રહી છે.