કાર્યવાહી / મોરબીમાં ટેન્કરમાંથી કેમિકલ ચોરીનું કૌભાંડ, પોલીસે બે પત્રકારની કરી ધરપકડ

મોરબીના હળવદમાં કેમિકલ ચોરીના કૌભાંડમાં બે પત્રકારની ધરપકડ કરાઈ છે. થોડા સમય અગાઉ LCBએ શક્તિનગર પાસેથી કેમિકલ ચોરી ઝડપી પાડી હતી. જ્યાંથી કેમિકલ ભરેલું ટેન્કર, કાર સહિત 67 લાખનો મુદ્દામાલ કબજે પણ કરાયો હતો

કેમિકલ ચોરી કૌભાંડમાં બે પત્રકારની ધરપકડ

કેમિકલ ચોરીના ગુનામાં બે પત્રકારોની ધરપકડ કરાઈ છે. મેહુલ ભરવાડ અને બળદેવ ભરવાડ નામના 2 પત્રકારોની પોલીસે ધરપકડ કરી વધુ કાર્યવાહી હાથ ધરી છે. થોડા દિવસ અગાઉ હળવદ ધ્રાંગધ્રા હાઇવે ઉપર શક્તિનગર ગામ પાસે શ્રીહરી ઇન્ડસ્ટ્રીયલ પાર્કમાં આધ્યા શકિત એન્જીનીયરીંગના કારખાનાની પાછળના ભાગે ટેન્કર ઊભું રાખીને તેમાંથી ત્રણ શખ્સો કેમીકલની ચોરી કરી રહ્યા હતા. જે બાબતે બાતમી મળતા LCBએ રેડ પાડી હતી. તે સમય ત્રણેય આરોપી નાસી છૂટ્યા હતા.

આ પણ વાંચો: હદના ચક્કરમાં અમદાવાદીઓ ચકરાવે ચડ્યા! અનેક ફરિયાદ છતા બિસ્માર રસ્તાની સમસ્યા યથાવત

પોલીસ અધિકારીએ શુ કહ્યું ?

આ મામલે પોલીસ અધિકારીએ જણાવ્યું કે, કેમિકલ ચોરીના ગુનામાં પત્રકાર મેહુલભાઈ ભરવાડ અને બળદેવ ભરવાડની ધરપકડ કરવામાં આવી છે. સાથે જ મેહુલ ભરવાડના મામાનો દીકરો છે તે પણ આ ગુનામાં સંડોવાયેલો છે તેમજ આ ગુનાહિત કામ છેલ્લા 6 માસથી ચાલી રહ્યો હતો. આ બંન્ને પત્રકારો કેમિકલ કાઢવા માટેની વસ્તુ તેમજ અન્ય સુવિધાઓ આરોપીઓને પૂરી પાડતા હતા

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ