મોરબી જિલ્લાના ડેમી 1 2 અને 3 હેઠળના 20 ગામોના ખેડૂતોએ અનોખો વિરોધ સરકારની આંખો ખોલવા દર્શાવ્યો છે. ડેમમાં પાણી ન ભરતા પાણીની માગ ખેડૂતો ચલાવી રહ્યા છે. જોકે સરકાર આ દિશામાં આંખ આડા કાન કરતી હોવાનો આરોપ ખેડૂતો લગાવી રહ્યા છે.
ઉલ્લેખનીય છે કે ખેડૂતોને ખાલી ડેમ સરકાર સમક્ષ દર્શાવવા માટે ક્રિકેટ મેચનું આયોજન કર્યું હતું અને પાણી ન હોવાને કારણે મેદાનમાં ક્રિકેટ રમીને વિરોધ દર્શાવ્યો હતો. ખેડૂતોની માગ છે કે સૌની યોજના હેઠળ નર્મદાના પાણીથી આ ડેમને ભરવામાં આવે ત્યારે જોવું એ રહ્યું કે ખેડૂતોની વાંચાને સરકાર હવે કઈ દિશામાં પ્રાધાન્ય આપે છે.
આપને જણાવી દઇએ કે મોરબી જીલ્લાના ડેમી 1 2 અને 3 હેઠળના 20 ગામોના ખેડૂતોનું આંદોલન મક્કમ ગતિ એ આગળ વધી રહ્યું છે.
આંદોલનના આજે ત્રીજા દિવસે ખેડૂતો એ નવતર રીતે વિરોધ કરીને સરકારને ઢંઢોળવનો પ્રયાસ કર્યો હતો. જેમાં બુઝુર્ગ ખેડૂતોએ પાણી વિના ખુલ્લા મેદાન બની ગયેલા ડેમી-3 ની સાઈટ પર ક્રિકેટની રમત રમી અનોખું વિરોધ પ્રદર્શન કર્યું હતું.