હડકંપ / મોરબીમાંથી 600 કરોડનું ડ્રગ્સ પકડાવા મામલે મોટા સમાચાર,પંજાબ અને દ્વારકાનું ખુલ્યું કનેક્શન

• ડ્રગ્સ કેસમાં નવા કનેક્શન
• પંજાબ અને દ્વારકા કનેક્શન ખુલ્યુ
• પંજાબ થી એક દ્વારકાથી 4ની ધરપકડ

ડ્રગ્સના તાર શોધવા માટે ATS દ્વારા તનતોડ મહેનત કરવામાં આવી રહી છે. ડ્રગ્સ કેસમાં નવા કનેક્શન પણ ATSની સામે આવ્યા છે. પંજાબ અને દ્વારકાના કનેક્શન ખુલ્યા છે. 

પંજાબ અને દ્વારકાનું પણ ખૂલ્યું કનેક્શન

ATS દ્વારા પંજાબથી એક અને દ્વારકાથી 4 આરોપઓની ધરપકડ કરવામાં આવી છે. ઝડપાયેલા પાંચેય આરોપીઓ ડ્રગ્સ ની હેરાફેરીમાં સંડોવાયેલા હતા. ATSએ ડ્રગ્સના નેટવર્કને લઇ વધુ તપાસ હાથ ધરી છે. 

મોરબીના ઝીંઝુડા ગામમાં ATSનું ઑપરેશન

મહત્વનું છે કે અગાઉ પણ સુરત અને દ્વારકામાં કરોડોનું ડ્રગ્સ ઝડપાયું છે ત્યારે ફરી મોરબીના ઝીંઝુડા ગામમાંથી કરોડોનું ડ્રગ્સ મળી આવ્યું છે. કચ્છના મુંદ્રા પોર્ટ ઉપરથી પણ 21 હજાર કરોડનો 2988 કિલો હેરાઇન ઝડપાયું  જે બાદ સુરતમાં MD ડ્રગ્સનો 58.530 ગ્રામ જથ્થો ઝડપાયો હતો, આમ જોતા હવે લાગી રહ્યું છે કે ગુજરાત ડ્રગ્સના કારોબાર માટેનું હબ બની રહ્યું છે. અગાઉ પણ રાજ્યમાં ડ્રગ્સના મળવાના અનેક કિસ્સા સામે છે, જો વાત કરવામાં આવે તો 24 ઓક્ટોબરે અમદાવાદમાં 25 લાખનું ડ્રગ્સ ઝડપાયુ, તો 23 ઓક્ટોબરે વડોદરામાંથી ગાંજો અને MD ડ્રગ્સ ઝડપાયું, જ્યારે 22 ઓક્ટોબરે રાજકોટમાં ક્રિકેટર ડ્રગ્સ સાથે ઝડપાયો હતો, એટલું જ નહીં 12 ઓક્ટોબરે ડિસામાંથી 15 લાખનું ડ્રગ્સ ઝડપાયું તો 26 સપ્ટેમ્બરે સુરતથી 1 કિલો હાઇબ્રિડ ગાંજો મળી આવ્યો હતો..જ્યારે 25 સપ્ટેમ્બરે સુરતથી 19.62 લાખનું MD ડ્રગ્સ જપ્ત પકડાયું હતું, જ્યારે 20 સપ્ટેમ્બરે પોરબંદર ડ્રગ્સ સાથે 7 ઇરાની નાગરિકો ઝડપાયા હતા. જ્યારે 4 ઓગસ્ટે વલસાડથી MD ડ્રગ્સ બનાવતી કંપની પર દરોડા પાડી કાર્યવાહી હાથ ધરવામાં આવી હતી. 

120 કીલો હેરોઈન મળી આવ્યુઃ DGP

મુખ્તાર હુસેન ઉર્ફે જબ્બાર રાવ અને ગુલામ હુસેન ભગાડ મુખ્ય આરોપી છે તેઓ પહેલા પાકિસ્તાનથી આફ્રિકા ડ્રગ્સ મોકલવાના હતા પરતું પ્લાન ચેન્જ થતા આફ્રિકાના બદલે પાક.થી ડ્રગ્સ ભારત મોકલાયું હતું, બંને અગાઉ દુબઈ ગયા હતા જ્યાં દુબઈમાં ડ્રગ્સ માફિયા સંપર્કમાં આવ્યા હતા જે બાદ સલાયાથી ડ્રગ્સ મોરબીના ઝિંઝુડા ગામે ડ્રગ્સ આવ્યું હતું, આ ડ્રગ્સનું કાવતરુ UAEમાં ઘડાયુ હતું, ઓક્ટોબરના છેલ્લા સપ્તાહમાં ડ્રગ્સની ડિલિવરી લેવાઇ જેમાં પાક.નો ડ્રગ્સ માફિયા બલોચ મુખ્ય ષડયંત્રકાર હોવાનું સામે આવ્યું છે. ડ્રગ્સ મામલે હજૂ 2 લોકોને પકડવાના બાકી છે હોવાનું પોલીસ વડાએ જણાવ્યું છે. આરોપી પાકિસ્તાનના ઝાહીદ બશીદ બલોચ સાથે સંપર્કમાં હોવાનું સામે સામે આવ્યું છે, મહત્વનું છે કે પાકિસ્તાનમાંથી જેટલા પણ કન્સાઈનમેન્ટ મોકલાયા છે તે તમામ ગુજરાત પોલીસે પકડ્યા છે. ગુજરાત ATSને 120 કિલો હેરોઈન ઝડપી પાડવામાં સફળતા મળી છે તેવું રાજ્યના પોલીસ વડા આશિષ ભાટીયાએ જણાવ્યું છે. 

120 કિલો ડ્રગ્સ અંદાજીત બજાર કિંમત 600 કરોડ  

ગુજરાતમાંથી ડ્રગ્સ ઝડપાવાનો સિલસિલો યથાવત છે રાજ્યમાં મોરબીના ઝીંઝુડા ગામમાંથી ATSએ 3 શખ્સોની કરોડોના માદક પદાર્થ સાથે ધરપકડ કરી છે. જો કે હજુ સુધી ATS દ્વારા હજુ સુધી સત્તાવાર કોઈ પુષ્ટિ કરાઈ નથી, પરતું કરોડોનું ડ્રગ્સને પકડી પાડવા ATSએ મોટું ઓપરેશન હાથ ધર્યું હતું, જેમાં 120 કિલો ડ્રગ્સ મળી આવ્યું છે, આ ડ્રગ્સની કિંમત આંતરાષ્ટ્રીય માર્કેટમાં 600 કરોડ હોવાનું મનાઈ રહ્યું છે. નવલખી પોર્ટ પાસે ઝીંઝુડા ગામે સ્થાનિર પોલીસને સાથે રાખીને ATSએ ઓપરેશન હાથ ધર્યું હતું, જેમાં શમસુદ્દીન,ગુલામ હુસૈન,મુખ્તાર હુસેન ઉર્ફે જબ્બારની નામના 3 શખ્સોની ધરપકડ કરવામાં આવી છે. ગુલામ હુસૈન ભગાડ જામનગરના સલાયાનો રહેવાસી છે જ્યારે મુખ્તાર હુસેન ઉર્ફે જબ્બાર જામનગરના જોડીયાનો રહેવાસી છે. 

ગુજરાતમાં જૂનથી ઓક્ટોબર સુધી 21 ડ્રગ્સના કેસ સામે આવ્યા 

આ તરફ આણંદમાં પણ ગાંજાના 900 કિલો છોડ પોલીસે ઝડપી પાડ્યા હતા અત્યાર સુધી  ગુજરાતમાં જૂનથી ઓક્ટોબર સુધી 21 ડ્રગ્સના કેસ સામે આવ્યા છે. પોલીસ અને NCBએ 6.6 કરોડના માદક પદાર્થો જપ્ત કર્યા છે.  રાજ્યમાં રેલવે, માર્ગ અને હવાઇ માર્ગે હેરાફેરીમાં અત્યાર સુધી 52 લોકોની ધરપકડ કરવામાં આવી છે.  જ્યારે ગુજરાતમાં 2020માં ડ્રગ્સના 308 કેસ નોંધાયા છે. જેમાં 117 વ્યક્તિગત વપરાશના કેસ સામે હોવાનું સામે આવ્યું છે.  2019માં NDPSના 289 કેસ નોંધાયા જેમાં 112 અંગત વપરાશ માટેના હતા તો બીજી તરફ 2018માં 150 કેસ નોંધાયા જેમાં 60 કેસ અંગત ઉપયોગ માટે ડ્રગ્સ વાપરતા હોવાનું ખુલ્યું હતું.  

મોરબી ડ્રગ્સ કેસ શું છે?

ગુજરાત ATSની ટીમે પાડ્યો હતો દરોડો
દરોડામાં 120 કિલો હેરોઇનનો જથ્થો ઝડપાયો હતો
મકાનમાંથી 600 કરોડની કિમતનું ડ્રગ્સ ઝડપાયું હતું
ATSએ ત્રણ આરોપીઓની કરી હતી ધરપકડ
સમસુદ્દીનસૈયદ, ગુલામ હુસૈન ભગાડ, મુખ્તાર હુસેન ઉર્ફે જબ્બારની ધરપકડ
આરોપીઓની પુછપરછમાં અનેક ખુલાસા સામે આવ્યા હતા
પાકિસ્તાનના ઝાહિદ બશિર બ્લોચ પાસેથી મંગાવાયુ હતુ ડ્રગ્સ
ઓક્ટોબર મહિનામાં લાવવામાં આવ્યું હતું ડ્રગ્સ
પાકિસ્તાની બોટ પાસેથી મધદરિયે લીધી હતી ડિલીવરી
ડિલીવરી લીધા બાદ દ્વારકા લાવવામાં આવ્યું હતું ડ્રગ્સ
દ્વારકાથી મોરબીના ઝીંઝુડા ગામે મકાનમાં છુપાવ્યું હતું ડ્રગ્સ
ડ્રગ્સ પહેલા આફ્રિકા મોકલવાનું હતું. આફ્રિકાને બદલે ગુજરાત મોકલાયું ડ્રગ્સ
ડ્રગ્સને ગુજરાત મોકલવાનું કાવતરૂ UAEમાં ઘડવામાં આવ્યું હતું
ગુલામ હુસૈન અને જબ્બાર અવાર નવરા દુબઇ જતા હતા
દુબઇ જતા એ ડ્રગ્સ માફિયાના સંપર્કમાં આવ્યો હતો
હજુ બે આરોપીઓ ફરાર છે, ઇસા રાવ અને મુખ્તાસ હુસેન 
ડ્રગ્સ કેસના નવા કનેક્શન
પંજાબ અને દ્વારકા કનેક્શન સામે આવ્યું
ATSએ 5 આરોપીઓની કરી ધરપકડ
1 આરોપી પંજાબ, 4 આરોપીઓની દ્વારકાથી ધરપકડ