મોરબીના ગૂંગણ ગામમાં જિલ્લા કલેક્ટર કચેરી ખાતે પરિવારજનોએ આત્મવિલોપનનો પ્રયાસ કર્યો છે. સાથણીની જમીનમાં માથાભારે શખ્સો પાસેથી કબ્જો મેળવવા મામલે પરિવારજનોએ આત્મવિલોપનનો પ્રયાસ કર્યો છે. પોલીસે આત્મવિલોપનનો પ્રયાસ કરી રહેલા 5 શખ્સોની અટકાયત પણ કરી છે. ત્યારે હવે પોલીસ દ્વારા ચૂસ્ત પોલીસ બંદોબસ્ત ગોઠવી દેવામાં આવ્યો છે.
આ ઘટના મામલે મળતા અહેવાસ અનુસાર મોરબીના ગૂંગળ ગામે આવેલ એક જમીન પર કેટલાક શખ્શોએ ગેરકાયદેસ રીતે કબજો જમાવી લેતા માલિકી હક ધરાવતો પરિવાર પરેશાન થઇ ગયો હતો. જો કે આ ઘટના મામલે જમીનની માલિકી ધરાવતા પરિવારે તંત્રને જાણ કરતા તંત્ર દ્વારા આંખ આડા કાન કરવામાં આવ્યા હતા. આ બાબતોથી કંટાળીને પરિવારે આજરોજ આત્મવિલોપન કરવાનો નિર્ણય કર્યો હતો.
માલિકીની જમીન પર ગેરકાયદેસર રીતે કબજો જમાવી બેઠેલા લોકોથી કંટાળેલા આ પરિવારે આજે મોરબી કલેક્ટર કચેરી પહોંચીને આત્મવિલોપન કરવાનો પ્રયાસ કરતા ફરજ પર હાજર રહેલ પોલીસ દ્વારા આ પરિવારને આત્મવિલોપન કરતા અટકાવીને અટકાયત કરી હતી જો કે આ લખાઇ રહ્યું છે ત્યાં સુધી કલેક્ટર દ્વારા કોઇ તપાસના આદેશ આપવામાં આવ્યા છે કે નહીં તે સ્પષ્ટ રીતે જાણી શકાયું નથી.