મોરબી: લગ્નની ખરીદી કરીને પરત ફરી રહેલા પરિવારને અકસ્માત નડતા પરિવારના ત્રણ સભ્યો કાળનો કોળિયા બન્યા છે. ઘટના મોરબીના મિતાણા-પડધરી રોડ પરની છે. ઘટના એવી છે કે વાંકાનેરના દીઘલિયા ગામનો પરિવાર લગ્ન પ્રસંગની ખરીદી કરવા માટે ધ્રોલ ગયો હતો. લગ્નની ખરીદી કર્યા બાદ જ્યારે આ પરિવાર પરત ફરી રહ્યો હતો.
ત્યારે રીક્ષા અને કાર વચ્ચે ગમખ્વાર અકસ્માત થયો. જેમાં એક જ પરિવારના 3 સભ્યોના મોત થયા છે. જ્યારે અન્ય બે લોકો ઈજાગ્રસ્ત થતા તેઓને સારવાર માટે હોસ્પિટલ ખસેડાવમાં આવ્યા છે.
#Morbi ના મિતાણા-પડધરી રોડ પર રીક્ષા અને કાર વચ્ચે અકસ્માતમાં 3ના મોત વાંકાનેરના દીધલિયા ગામના પરિવારને નડ્યો અકસ્માત ધ્રોલથી લગ્નની ખરીદી કરીને પરત ફરી રહ્યો હતો પરિવાર 2 લોકો ઈજાગ્રસ્ત થતા સારવાર માટે હોસ્પિટલ ખસેડાયા
પોલીસે ઘટના સ્થળે જઈ કાર્યવાહી હાથ ધરી pic.twitter.com/kKjLjli0DW
એક જ પરિવારના ત્રણ સભ્યોના મોત થતા પરિવાર સહિત ગામમાં પણ શોકની લાગણી ફેલાઈ છે. ત્યારે ઘટનાના પગલે પોલીસ ઘટના સ્થળે પહોંચી હતી અને આગળની કાર્યવાહી હાથ ધરી હતી.
આ ઘટના મામલે મળતી વિગત મુજબ શહેરની PGVCL ઓફિસ નજીક કાર અને CNG રિક્ષા ધડાકાભેર અથડાતા આ અકસ્માત સર્જાયો હતો. અકસ્માતને પગલે લગ્નની ખરીદી કરીને પરત ફરી રહેલા પરિવારના 3 સભ્યો કાળનો કોળિયો બન્યા હતા. ગમખ્વાર અકસ્માતને પગલે અરેરાટી ફેલાઇ ગઇ હતી.