ચિંતાજનક / જો આવું થયું તો સમગ્ર દુનિયામાં સર્જાઈ શકે છે ભયાનક સ્થિતિ, NASAના ચોંકાવનારા દાવાથી મચ્યો ખળભળાટ

• સમગ્ર વિશ્વમાં પૂર આવશે
• ન્યુસેન્સ ફ્લડ (Nuisance Floods) આવશે
• વર્ષમાં માત્ર એક કે બે વાર નહીં, દર મહિને પૂર આવશે

સમગ્ર વિશ્વમાં પૂર આવશે
દુનિયાભરમાં સતત હવામાન બદલાઈ રહ્યું છે. જેના કારણે મોટા મોટા સાયક્લોન અને વાવાઝોડાનો સામનો સમગ્ર દુનિયા કરી રહી છે. અમેરિકામાં તો હમણાં જ એક સાયક્લોન આવી ગયું. ભારતમાં પણ એજ સ્થિતિ છે. કોરોનાની બીજી લહેરની સાથે સાથે ભારતમાં પણ બે વાવાઝોડા આવી ગયું. આ બધુ માત્ર સમુદ્રના લીધે નથી થતું. આ બધુ થવા પાછળનું કારણ ચંદ્ર સાથે જોડાયેલું છે. પણ હવે વૈજ્ઞાનિકોએ કહ્યું છે કે જો હવે ચંદ્રના ભ્રમણમાં થોડો પણ બદલાવ આવ્યો તો સમગ્ર વિશ્વમાં પૂર આવશે. 

ન્યુસેન્સ ફ્લડ (Nuisance Floods) આવશે
આ પ્રકારના પૂરને ન્યુસેન્સ ફ્લડ (Nuisance Floods) કહેવામાં આવે છે. આવા સમયમાં સમુદ્રમાં આવતી લહેરોની ઊંચાઈ 2 ફૂટથી પણ વધુ ઊંચે સુધી ઉછળે છે. સમુદ્રમાં રહેલું પાણી સમગ્ર જમીન વાળા વિસ્તારોમાં ફરી વળે છે. મુંબઈમાં વરસાદમાં જેવી હાલત થાય છે, તેવી હાલત સમુદ્ર કિનારે રહેલા શહેરોની થાય છે. જેટલા દિવસ આ પાણી ભરાયેલું રહે છે તેટલા દિવસ આ વિનાશ સતત ચાલ્યા કરે છે.

 
વર્ષમાં માત્ર એક કે બે વાર નહીં, દર મહિને પૂર આવશે
NOAA મુજબ અમેરિકામાં હાઇ ટાઈડના લીધે 2019માં 600 વાવાઝોડા આવ્યા હતા. પણ હવે NASAના એક રિપોર્ટ મુજબ વર્ષ 2030 અમેરિકા સહિત દુનિયાભરના ઘણા વિસ્તારોમાં કેટલાય સ્થળોમાં ન્યુસેન્સ ફ્લડ (Nuisance Floods)નું પ્રમાણ વધશે. હાઇ ટાઈડને કારણે સમુદ્રમાં ઉઠતી લેહરો લગભગ 3 થી 4 ગણી વધી જાય છે. આ રિપોર્ટ ગયા મહિને પ્રકાશિત થયો છે. પણ હવે NASAએ ચેતવણી આપી છે કે 2030 સુધીમાં ન્યુસેન્સ ફ્લડ (Nuisance Floods) ઘણા આવશે. આ વર્ષમાં માત્ર એક કે બે વાર નહીં આવે. આ દર મહિને આવશે. કારણકે ચંદ્રની ઓર્બિટમાં સહેજ પણ બદલાવ આવશે તો વધુ નુકશાન થશે. સમુદ્ર કિનારે રહેલ વિસ્તારોમાં દર મહિને તેની અસર દેખાશે.