રેટિંગ એજન્સી મૂડીઝ ઇન્વેસ્ટર્સ સર્વિસે બીજી વખત ભારતના વિકાસ દરનું અનુમાન ઘટાડી દીધું છે. મૂડીઝ મુજબ 2020 માટે ભારતનો વિકાસ દર 5.3 ટકા રહેવાનું અનુમાન છે. આ પહેલા 17 ફેબ્રુઆરીએ મૂડીઝે વિકાસ દરનું અનુમાન 6.6 ટકાથી ઘટાડી અને 5.4 ટકા કરી દીધું હતું. રેટિંગ એજન્સીનું અનુમાન છે કે કોરોના વાયરસના કારણે વિશ્વભરના અર્થતંત્રને અસર પડી છે.
અર્થતંત્રને લઇ ભારત માટે વધુ એક માઠા સમાચાર
2020માં વિકાસ દર 5.3 ટકા રહેવાની આશંકાઃ મૂડીઝ
કોરોના વાયરસની અસરને ગણાવી જવાબદાર
મૂડીઝે માર્ચ માટે પોતોના ગ્લોબલ મેક્રો આઉટલુકમાં કહ્યું કે વાયરસનો પ્રકોપ ચીન બહાર ઘણી અર્થવ્યવસ્થાઓમાં ઝડપથી ફેલાઇ ગયો છે. જેના કારણે મોટા ભાગની અર્થવ્યવસ્થાને અસર પડી છે. મૂડીઝે ભારત માટે વિકાસ દર 5.3 ટકા રહેવાની શક્યતા જણાવી છે. આ સિવાય 2020 માટે ચીનના વિકાસ દરનું અનુમાન 5.2 ટકાથી ઘટાડી 4.8 ટકા કરી દીધું. અને અમેરિકાના વિકાસ દરનું અનુમાન 1.7 ટકાથી ઘટાડી 1.5 ટકા કરી દીધું છે. મૂડીઝે કહ્યું કે કોરોના વાયરસના કારણે લોકોમાં ડર અને અર્થવ્યવસ્થાને થઇ રહેલા નુકસાનને જોતા અલગ અલગ દેશોના વિકાસ દરમાં ઘટાડો આવી શકે છે. અને 2020માં ક્રૂડઓઇલની કિંમત પણ 40થી 50 ડોલર પ્રતિ બેરલ રહી શકે છે.
અર્થવ્યવસ્થા પર કોરોનાની અસર
મૂડીઝે બીજી વખત ભારતના વિકાસ દરનું અનુમાન ઘટાડી દીધું છે. આ સાથે જ રેટિંગ એજન્સી મૂડીઝ મુજબ 2020 માટે ભારતનો વિકાસ દર 5.3 ટકા રહેવાનું અનુમાન છે. અગાઉ 17 ફેબ્રુઆરીએ મૂડીઝે વિકાસ દરનું અનુમાન 6.6 ટકાથી ઘટાડી 5.4 ટકા કર્યું હતું. કોરોના વાયરસના કારણે વિશ્વભરના અર્થતંત્રને અસર પડી રહી છે ત્યારે ચીનની અર્થવ્યવસ્થાને પણ ફટકો પડી શકે છે. ઉલ્લેખનીય છે કે કોરોનાને લઇ અલગ અલગ દેશોના વિકાસ દરમાં ઘટાડો આવી શકે છે.