સિસ્ટમ / પાણી પહેલા પાળ બાંધીઃ ગુજરાત સરકારે વરસાદની ચોક્કસ માહિતી માટે વસાવ્યું આધુનિક સોફ્ટવેર

ક્યાં કેટલો વરસાદ પડ્યો? ક્યાં વિસ્તારનું વાતાવરણ કેવું છે? જેને જાણવાની સૌ કોઇને ઇચ્છા હોય છે. પરંતુ આ આંકડાઓ આપણને તાત્કાલિક મળતા નથી. ત્યારે રાજ્ય સરકારે એક નવી સિસ્ટમ વસાવી છે. જેમાં વરસાદની ચોક્કસ માહિતી તાત્કાલિક મળશે.

વરસાદની ચોક્કસ માહિતી હવે તાત્કાલિક મળે તે માટે સોફ્ટવેર વસાવવામાં આવ્યુ છે. પહેલા ડિઝાસ્ટર વિભાગ અને તંત્રને વરસાદની માહિતી 1-2 કલાક બાદ મળતી હતી. ત્યારે  હવે વરસાદની માહિતી તાત્કાલિક ધોરણે મળી શકશે. આ વર્ષથી જ આ આધુનિક સોફ્ટવેરનો તેનો ઉપયોગ કરવામાં આવશે.

દરેક જિલ્લામાં લાઇવ ટેલીકાસ્ટ કરવામાં આવશે. ડિઝાસ્ટર વિભાગ, હવામાન વિભાગને તાત્કાલિક માહિતી મળશે. સિસ્ટમથી પૂર અને અતિવૃષ્ટિને પહોંચી વળવાનું પણ સરળ બનશે.

આ આધુનિક સોફ્ટવેર થકી જિલ્લાઓમાં અપડેટ થતી વરસાદની માહિતીનું ડાયરેક્ટ ટેલિકાસ્ટ કરવામાં આવશે. આ સોફ્ટવેર ડિઝાસ્ટર વિભાગ, એનડીઆરએફ, હવામાન વિભાગ અને ઇસરો જેવા વિભાગોને મદદ રૂપ થશે. સાથે સરકારને પણ ખુબ ઉપયોગી થશે.