પૂર્વોત્તર અને પૂર્વી ભારતમાં 9-12 જૂન સુધી ભારે વરસાદની શક્યતા છે. હવામાન વિભાગના જણાવ્યા અનુસાર આવનારા 2 દિવસમાં પૂર્વી ઉત્તરપ્રદેશ, બિહાર, પશ્ચિમ બંગાળ સહિત અન્ય રાજ્યોમાં અલગ અલગ જગ્યાઓએ વરસાદની શક્યતા છે. આ સમયે હવામાન વિભાગના જણાવ્યા અનુસાર મુંબઈ અને તેની આસપાસના વિસ્તારોમાં વરસાદી ઝાપટાંની શક્યતા છે. બિહાર તથા આસામના અનેક વિસ્તારોમાં લોકો પૂરની સ્થિતિનો સામનો કરી રહ્યા છે. જ્યારે ઉત્તરપ્રદેશમાં અનેક જિલ્લામાં કેટલાક દિવસોથી વરસાદ જોવા મળી રહ્યો છે.
આવનારા 2 દિવસમાં ભારે વરસાદની શક્યતા
હવામાન વિભાગે કરી વરસાદને લઈને આગાહી
બિહાર અને આસામ કરી રહ્યા છે પૂરની સ્થિતિનો સામનો
હવામાન વિભાગના જણાવ્યા અનુસાર ચોમાસુ 9 જુલાઈથી હિમાચલના પહાડી ઉત્તરની તરફ આગળ વધવાની શક્યતા છે. તેના આધારે આસામ, મેઘાલય, અરુણાચલ પ્રદેશ, ઉપ હિમાલયી પશ્ચિમ બંગાળ, સિક્કિમ, બિહાર અને પૂર્વી ઉત્તરપ્રદેશમાં 9 અને 10 જુલાઈએ અલગ અલગ સ્થાનો પર વરસાદની શક્યતા છે. આ ભારે વરસાદ અરુણાચલ પ્રદેશ, આસામ, મેઘાલય, પશ્ચિમ બંગાળ અને સિક્કિમમાં 9-12 જુલાઈ સુધીમાં થઈ શકે છે.
હવામાન વિભાગના આધારે મુંબઈ, મહારાષ્ટ્રના તટીય વિસ્તારોમાં અટકી અટકીને વરસાદ થવાની શક્યતા છે. એક અધિકારીના જણાવ્યા અનુસાર મુંબઈ અને દક્ષિણ કોંકણ તટ પર ભારે વાદળ જોવા મળી રહ્યા છે. આ કારણે મુંબઈ સહિતના આસપાસના વિસ્તારોમાં ભારે વરસાદ થઈ શકે છે.
મુંબઈ અને તેની આસપાસના વિસ્તારોમાં છેલ્લા 24 કલાકથી ભારે વરસાદ થયો છે અને તે વધુ ચાલુ રહે તેવી શક્યતા છે. નવી મુંબઈમાં પાણી ભરાયાના સમાચાર આવી રહ્યા છે. આ સિવાય ગુજરાતમાં પણ વરસાદની મોસમ જામી છે જેનાથી જનજીવન અસ્તવ્યસ્ત બન્યું છે. ગુજરાતના સૌરાષ્ટ્રમાં રવિવારથી સતત વરસાદ થઈ રહ્યો છે. અહીં અનેક વિસ્તારોમાં પૂરની સ્થિતિ સર્જાઈ છે. ખાસ કરીને રાજકોટમાં સ્થિતિ ખરાબ જોવા મળી રહી છે. હવામાન વિભાગે બુધવારે અહીં વરસાદ ઘટવાની આગાહી જણાવી છે.