મેઘો મહેરબાન / 2022નું વર્ષ ખેડૂતો માટે સોળ આની ! 27મેના દિવસે કેરળમાં દસ્તક દેશે ચોમાસુ, પડશે સારો વરસાદ, IMDની આગાહી

• 2022ના ચોમાસાને લઈને હવામાન વિભાગની સારી ભવિષ્યવાણી
• 27મેના દિવસે કેરળના દરિયા કિનારે દસ્તેક દેશે ચોમાસુ
• દેશભરમાં આ વર્ષે સારો રહેશે વરસાદ
• હવામાન વિભાગની મોટી આગાહી

વરસાદ પર નભતા દેશના ખેડૂતો માટે ખૂબ સારા સમાચાર છે. 
2022નું ચોમાસુ ખૂબ સારુ રહેશે અને ખેતી માટે પૂરતો વરસાદ પડી રહેશે આગાહી થઈ છે. ભારતીય હવામાન વિભાગે એક મોટી આગાહી કરતા જણાવ્યું કે કેરળના દરિયાકિનારે 27મેના દિવસે ચોમાસુ દસ્તક દેશે અને ચાલુ વર્ષે દેશમાં સારો વરસાદ પડશે. 

Seasonal monsoon rainfall expected to be normal. 99% rainfall expected. Onset of Monsoon in Kerala expected on May 27. In next 5 days light to moderate rainfall expected in Konkan & Goa region. Other parts of state will also receive light rainfall:Jayanta Sarkar, Head, IMD Mumbai pic.twitter.com/4sjqCwBhUS

— ANI (@ANI) May 25, 2022

સામાન્ય રીતે 1 જુને આવતું હોય છે ચોમાસુ, આ વર્ષે 27 મેએ આવવાની સંભાવના 

આઇએમડી મુંબઇ વિભાગના વડા જયંત સરકારે જણાવ્યું હતું કે આ વખતે ચોમાસું કેરળમાં 27 મેના રોજ જ ત્રાટકશે. સામાન્ય રીતે ચોમાસું 1 જૂને કેરળના દરિયાકાંઠે પહોંચે છે. ગયા વર્ષે 3 જૂનની આસપાસ કેરળમાં ચોમાસું ટકરાયું હતું, પરંતુ આ વર્ષે તે વહેલું આવે તેવી શક્યતા છે.

કોંકણ વિસ્તારમાં પાંચ દિવસથી વરસાદ
જયંત સરકારે જણાવ્યું હતું કે, આ વખતે મોસમી ચોમાસાનો વરસાદ સામાન્ય રહેવાની સંભાવના છે. તેમણે કહ્યું કે આ વખતે 99 ટકા વરસાદ થશે જ્યારે કેરળમાં 27 મેના રોજ ચોમાસું આવશે. આ પછી, કોંકણ અને ગોવા ક્ષેત્રમાં 5 દિવસ સુધી હળવો વરસાદ થવાની સંભાવના છે, જ્યારે રાજ્યના અન્ય ભાગોમાં પણ છૂટોછવાયો હળવો વરસાદ પડશે. આઈએમડીના જણાવ્યા અનુસાર, દક્ષિણ પશ્ચિમ ચોમાસુ અરબી સમુદ્રમાં સમય કરતા થોડું વહેલું આવી જશે. આગામી 48 કલાકમાં દક્ષિણ પશ્ચિમ અરબ સાગર, માલદીવ, દક્ષિણ બંગાળની ખાડી અને આ ક્ષેત્રના ઉત્તરીય ભાગમાં ચોમાસુ પહોંચવાની સંભાવના છે. સાથે જ હવામાન વિભાગે કહ્યું છે કે, આગામી પાંચ દિવસ સુધી હિટવેવની કોઇ શક્યતા નથી. એટલે કે, લોકોને કાળઝાળ ગરમીથી રાહત મળશે અને તાપમાનમાં નોંધપાત્ર વધારો થશે નહીં.

ચાલુ વર્ષનું ચોમાસુ સારુ રહેશે 

હવામાન વિભાગે તમિલનાડુ, આંધ્ર પ્રદેશ, અસમ, હિમાચલ પ્રદેશ અને ઓડિશાના અલગ-અલગ વિસ્તારોમાં ભારે વરસાદની આગાહી કરી છે. ઉત્તરાખંડ, વિદર્ભ અને હરિયાણામાં પણ કરા પડવાની શક્યતા છે. બિહારમાં સીવાન અને મુઝફ્ફરપુરમાં વરસાદની શક્યતા છે. ભારતીય હવામાન વિભાગ (imd)એ કહ્યું છે કે આ વખતે 2022માં ભારતમાં દક્ષિણ-પશ્ચિમ ચોમાસુ સામાન્ય રહેવાની સંભાવના છે. એટલે કે સમગ્ર દેશમાં વરસાદનું એકસરખું વિતરણ થવાનો અંદાજ છે.

ખેડૂતો માટે સોળ આની રહેશે ચોમાસુ

2022ના ચોમાસામાં ખૂબ સારો વરસાદ પડવાની હવામાન વિભાગની આગાહી છે એટલે ખેડૂતો માટે આ વર્ષ સોળ સાની બની રહેશે.