હવામાન વિભાગે દક્ષિણ ગુજરાત સહિત નવસારી, વલસાડ, દીવ,દાદરાનગર હવેલીમાં વરસાદની આગાહી કરી છે. જ્યારે સૌરાષ્ટમાં સામાન્ય વરસાદની આગાહી કરી છે.
દક્ષિણ ગુજરાતમાં ભારે વરસાદની આગાહી
બે દિવસ નવસારી, વલસાડમાં રહેશે ભારે વરસાદ
દીવ-દાદરાનગર હવેલીમાં ભારે વરસાદની આગાહી
રાજ્યમાં ચોમાસાને લઈને સારા સમાચાર આવ્યા છે. હવામાન વિભાગે દક્ષિણ ગુજરાત સહિત નવસારી, વલસાડ, દીવ,દાદરાનગર હવેલીમાં વરસાદની આગાહી કરી છે. જ્યારે સૌરાષ્ટમાં સામાન્ય વરસાદની આગાહી કરી છે. સાથે જ અમદાવાદમાં 15 જૂન સુધી ચોમાસાનું આગમન થાય તેવી સંભાવનાઓ વ્યક્ત કરવામાં આવી છે. જો કે બીજી તરફ કચ્છમાં આવખે ચોમાસું થોડું મોડું પહોંચશે તેવી હવામાન વિભાગે જણાવ્યું છે.
સૌરાષ્ટ્રમાં સામાન્યથી હળવા વરસાદની આગાહી
હવામાન વિભાગે આગામી બે દિવસ દક્ષિણ ગુજરાતમાં ભારે વરસાદની આગાહી કરી છે. આ તરફ સૌરાષ્ટ્રમાં સામાન્યથી હળવા વરસાદની આગાહી કરવામાં આવી છે. બે દિવસ વલસાડ, નવસારી, સુરત સહિત દક્ષિણ ગુજરાતમાં ભારે વરસાદ પડી શકે છે જ્યારે રાજ્યના અન્ય ભાગમાં હાલ સામાન્ય છૂટો છવાયો વરસાદ આવી શકે છે. 30 જૂન સુધીમાં રાજ્યભરમાં ચોમાસુ સક્રિય થઈ શકે છે તેવું હવામાન વિભાગ દ્વારા જણાવવામાં આવી રહ્યું છે.
ગુજરાતમાં પણ 11થી 13 જૂન વચ્ચે ભારે વરસાદ
દક્ષિણ-પશ્ચિમ મોન્સૂન મુંબઈ અને તેની આસપાસના વિસ્તારોમાં સક્રિય થઈ ગયું છે. મુંબઈના દરિયામાં સાંજે હાઈટાઈડની ચેતવણી આપવામાં આવી છે. ગુજરાતમાં પણ 11થી 13 જૂન વચ્ચે ભારે વરસાદ આવી શકે તેવું હવામાન વિભાગ તરફથી જાણવા મળ્યું છે.દક્ષિણી ગુજરાતના કાંઠે ચક્રવાતી પવન ફુંકાવાને કારણે કોંકણ, ગોવા, દક્ષિણ ગુજરાત, કર્ણાટક, તેલંગણા, આંધ્રપ્રદેશ, તામિલનાડુ અને કેરળમાં 11-13 જૂન વચ્ચે ભારે વરસાદની શક્યતા છે.
માછીમારોને દરિયો ન ખેડવા ચેતવણી અપાઈ
ગુજરાતમાં ભારે વરસાદની આગાહીને પગલે માછીમારોને દરિયો ન ખેડવા ચેતવણી અપાઈ છે. કારણ કે, આગામી પાંચ દિવસ દરિયો તોફાની બની રહેશે. હવાની ગતિ 60 કિમી સુધી પહોંચશે. સાઉથ વેસ્ટ ડિરેક્શનમાંથી પવનની ગતિ ભારે બની રહેશે. દરિયામાંથી ઊંચા મોજા પણ ઉછળી શકે છે ભાવનગરમાં શરૂ થતા ચારે તરફ ખુશનુમાં વાતાવરણ છવાઈ ગયું છે શહેરના કેટલાક વિસ્તારોમાં મેઘરાજાનું આગમન થતાં લોકો ખુશ ખુશાલ જોવા મળી રહી છે વાદળછાયા વાતાવરણ વચ્ચે વરસાદ વરસતા લોકોને ગરમીથી રાહત મળી હતી.
નૈઋત્યના ચોમાસાની ગુજરાતમાં પધરામણી
ગુજરાતમાં અગાઉ 15 જૂન બાદ ચોમાસાની આગમનની આગાહી કરવામાં આવતી. પરંતુ તેનાથી સાત દિવસ અગાઉ જ ગુજરાતમાં ચોમાસાનું આગમન થઈ ગયું છે. નોર્ધન લિમિટ ઓફ મોન્સૂન વલસાડમાંથી પસાર થયું છે. સાથે જ નૈઋત્યના ચોમાસાએ દક્ષિણ ગુજરાતમાં પ્રવેશ કર્યો છે. 30 જૂન સુધી રાજ્યભરમાં ચોમાસુ સક્રિય થઈ જશે મહત્વનું છે કે આ પહેલા દક્ષિણ ગુજરાતમાં ચોમાસાએ ધમાકેદાર એન્ટ્રી કરતાં વલસાડ જિલ્લાના કપરાડામાં દિવસ દરમિયાન ૨ ઈંચથી વધુ વરસાદ નોંધાયો છે. જ્યારે દાદરાનગર હવેલી વિસ્તારમાં ૪ ઇંચ જેટલો વરસાદ પડ્યો છે.