દેશમાં મોનસૂનની રાહ જોવાય રહી છે. કેરળમાં 6 જૂને ચોમાસાના આગમનની સંભાવના છે અને અત્યાર સુધીમાં અંદાજે 99 મિલીમીટર વરસાદ થયો છે.
ભારત હવામાન વિભાગની માહિતી અનુસાર, ગત 65 વર્ષોમાં આ બીજી વખત બન્યું છે કે આ પ્રકારે પ્રી-મોનસૂન દુષ્કાળની સ્થિતિ પેદા થઇ છે. 1954 બાદ એવુ બીજી વખત બન્યું છે, જ્યારે પ્રી-મોનસૂનમાં આટલી ઓછો વરસાદ થયો હોય. ત્યારે દેશમાં 93.9 મિલીમીટર વરસાદનો રેકોર્ડ હતો. ત્યાર બાદ 2009માં માર્ચ, એપ્રિલ અને મે દરમિયાન 99 મિલીમીટર વરસાદ થયો. બાદમાં 2012માં આ આંકડા 90.5 મિલીમીટરના હતા અને ત્યાર બાદ હવે 2019માં 99 મિલીમીટર વરસાદ થયો છે.
વરસાદનો સૌથી ઓછો સરેરાશ મધ્ય મહારાષ્ટ્ર, મરાઠવાડા અને મહારાષ્ટ્રના જ વિદર્ભ વિસ્તારમાં થયો છે. આ સિવાય કોંકણ-ગોવા, ગુજરાતના સૌરાષ્ટ્ર અને કચ્છમાં પણ આ જ સ્થિતિ જોવા મળી છે. કર્ણાટક, તમિલનાડુ અને પુડ્ડુચેરી જેવા વિસ્તારોમાં પણ પ્રી-મોનસૂન વરસાદ ઓછો રહ્યો.
પહાડી રાજ્ય જમ્મૂ કાશ્મીર, હિમાચલ પ્રદેશ, ઉત્તરાખંડ અને પશ્ચિમ ઉત્તરપ્રદેશ, ઉત્તર કર્ણાટક, તેલંગાણા અને રાયલસીમામાં પણ ઓછો જ વરસાદ થયો છે. જોકે મહારાષ્ટ્રમાં આ સમસ્યા વધી છે. જોકે મહારાષ્ટ્રથી તમામ રાજ્યોમાં સરેરાશ વરસાદ રહ્યો છે.
મહારાષ્ટ્રમાં વધી રહ્યું છે પ્રિ-મોનસૂન દુષ્કાળનું સંકટ
ભારતીય હવામાન વિભાગના અધિકારીએ જણાવ્યું કે ગત સદીમાં પશ્ચિમ ભારતમાં પ્રિ-મોનસૂન વરસાદમાં ઘણી ઝડપથી ઘટાડો આવ્યો છે. ખાસ પ્રકારે મહારાષ્ટ્રમાં આ સમસ્યા વધી છે. જોકે હવે અત્યાર સુધી સમગ્ર દેશમાં આ પ્રકારનો ટ્રેન્ડ જોવા નથી મળ્યો. આ એક પ્રકારે ચોમાસાની સીઝનમાં ફેરફારની પેટર્ન છે.