રાજ્ય ભરમાં બે દિવસના આછાપાતળા વિરામ બાદ હળવા વરસાદી ઝાપટા શરૂ થઈ ગયા હતા. હજુ રાજ્યમાંથી ચોમાસાએ વિદાય નથી લીધી. 10 ઓક્ટોબર પછી ચોમાસાની વિદાય થશે. હાલ હવામાન ખાતાએ આગાહી કરી છે કે બે દિવસ ગુજરાતમાં ઉ. ગુજરાત અને સૌરાષ્ટ્ર તેમજ મધ્યગુજરાતના કેટલાક ભાગોમાં પવન સાથે વરસાદી ઝાપટા થશે.
બે દિવસ રહેશે વરસાદ
ખેલૈયાઓના રંગમાં ભંગ પાડવા મેઘો પાછો વરસ્યો,
અમદાવાદ સહિત રાજ્યભરમાં વરસાદ
રાજ્યભરમાં વરસાદે બે દિવસના વિરામ બાદ પોતાનો અસલી રંગ બતાવ્યો છે. હજુ સાતમી તારીખ સુધી વરસાદ રહેશે અને ઓફિશ્યલી 10મી ઓક્ટોબર પછીજ રાજ્યમાંથી ચોમાસું વિદાય થશે.
આજે અને કાલે ક્યાં ક્યાં આવશે વરસાદ
આજે ગુજરાતના બનાસકાંઠા, આણંદ, સાબરકાંઠા, વડોદરા, વલસાડ, નવસારી, અને સુરતમાં ભારેથી અતિભારે વરસાદ થશે જ્યારે સૌરાષ્ટ્રમાં ભાવનગર, અમરેલી, ગીર સોમનાથ અને કચ્છમાં ભારેથી અતિભારે વરસાદ પડશે. દ્વારકામાં ભારેથી અતિ ભારે વરસાદની આગાહી છે.
કાલે અને પરમ દિવસે કેવુ રહેશે વાતાવરણ
ગુજરાતમાં બનાસકાંઠા, સાબરકાંઠા, આણંદ, વડોદરા, છોટાઉદેપુર, નર્મદા, સુરત, તાપી અને ડાંગમાં વરસાદ થશે જ્યારે સૌરાષ્ટ્રમાં ભાવનગર અને અમરેલીમાં વરસાદ રહેશે.
ખેલૈયાઓની મજા બગાડશે વરસાદ
ખેલૈયાઓને માંડ માંડ ગરબાની રમઝટનો મેળ પડ્યો હતો ત્યારે શનિ-રવિની રજામાં જ વરસાદ મજા બગાડે તેવી શક્યતા છે.