વરસાદને લઇ મહત્વના સમાચાર સામે આવ્યા છે. જેમાં હવામાન વિભાગની આગાહી મુજબ આવતીકાલથી ગુજરાતમાં ચોમાસુ બેસશે. આજે અમદાવાદ, વડોદરા, ગાંધીનગર સહિત જિલ્લામાં ભારે વરસાદની આગાહી કરાઇ છે અને આગામી ત્રણ દિવસ દક્ષિણ ગુજરાત અને સૌરાષ્ટ્રમાં ભારે વરસાદ રહેશે.
વરસાદને લઇ મોટા સમાચાર
આવતીકાલથી ગુજરાતમાં ચોમાસુ બેસશે
આજે અમદાવાદ,વડોદરા,ગાંધીનગર સહીત જિલ્લામાં ભારે વરસાદની આગાહી
આ ઉપરાંત નવસારી, વલસાડ, દમણ, દાદરા નગર હવેલીમાં વરસાદ રહેશે. તો ભાવનગર, અમરેલી, અમદાવાદ, વડોદરામાં પણ વરસાદની શક્યતા છે. ગાંધીનગર, નર્મદા, ભરૂચ સહિત જિલ્લામાં વરસાદની આગાહી કરાઇ છે.
આગામી 2 દિવસ ભારે વરસાદની શક્યતા
ઉલ્લેખનીય છે કે, આજે અને કાલે મધ્ય ગુજરાતમાં ભારે વરસાદની આગાહી કરવામાં આવી છે. સાથે જ આવતીકાલે સૌરાષ્ટ્રના કેટલાક વિસ્તારમાં ભારે વરસાદ રહેશે. મધ્ય ગુજરાત અને ઉત્તર ગુજરાતમાં ભારે વરસાદની આગાહી કરવામાં આવી છે. અને આગામી 2 દિવસ ભારે વરસાદની શક્યતા છે.
પશ્ચિમ બંગાળમાં વરસાદની આગાહી
દેશના અનેક રાજ્યોમાં વરસાદીની આગાહી સ્કાઇમેટ દ્વારા કરવામાં આવી છે. સ્કાઇમેટની આગાહી મુજબ આગામી 24 કલાકમાં ગુજરાતમાં ચોમાસુ દસ્તક આપશે અને 24 કલાકમાં અનેક રાજ્યોમાં વરસાદની આગાહી કરાઇ છે. આગામી 24 કલાકમાં ગુજરાત, અને પશ્ચિમ બંગાળમાં વરસાદની આગાહી છે.
જ્યારે દક્ષિણ પૂર્વ મધ્ય પ્રદેશ, ઝારખંડ અને જમ્મુ-કશ્મીરમાં વરસાદની આગાહી કરાઇ છે. જ્યાં આગામી 24 કલાકમાં હળવાથી મધ્યમ વરસાદની શક્યતા છે. તો તટીય આંધ્રપ્રદેશ-કર્ણાટક, ગોવામાં ભારેથી મધ્યમ વરસાદની શક્યતા છે. જ્યારે ઉત્તર પૂર્વ ભારત, કેરલ, મહારાષ્ટ્રમાં મધ્યમ વરસાદની શક્યતા. જો કે દિલ્હીને ચોમાસા માટે હજુ થોડી રાહ જોવી પડશે.