રાજ્યમાં વરસાદી માહોલ જામ્યો છે. વહેલી સવારથી વરસાદી માહોલ જોવા મળી રહ્યો છે. તો દક્ષિણ ગુજરાત, સૌરાષ્ટ્રમાં ભારે વરસાદની આગાહી કરવામાં આવી છે. દમણ ,દાદરાનગર હવેલી, વલસાડ, સુરત અને નવસારી સહિત જિલ્લામાં વરસાદની આગાહી કરવામાં આવી છે. સાથે જ આગામી 3 દિવસ માછીમારોને દરિયો ન ખેડવા સૂચના પણ આપી દેવામાં આવી છે. વલસાડના દરિયે તોતિંગ મોજા ઉછળી રહ્યા છે.
દરિયાનું રૌદ્ર સ્વરૂપ આવ્યું સામે
સુરતમાં ધોધમાર વરસાદ
આગામી 3 દિવસ માછીમારોને દરિયો ન ખેડવા સૂચના
વલસાડનો જાણીતો તીથલનો દરિયો આજે તોફાની જોવા મળ્યો હતો. દરિયામાં મોટી ભરતીને કારણે આજે ઉંચા મોજા ઉછળ્યા હતા. આમ તોતિંગ મોજા અને ઝડપી પવન સાથે દરિયાકિનારે તોફાની વાતાવરણ સર્જાયું હતું.
વલસાડનો જાણીતો તીથલનો દરિયો તોફાની જોવા મળ્યો હતો. દરિયામાં મોટી ભરતીને કારણે ઉંચા મોજા ઉછળ્યા હતાં. આમ તોતિંગ મોજા અને ઝડપી પવન સાથે દરિયાકિનારે તોફાની વાતાવરણ સર્જાયું હતું . દરિયાઇ વનસ્પતિ પણ દરિયા કિનારે તનાઇ આવી હતી. દરિયો રૌદ્ર સ્વરૂપમાં જોવા મળ્યો હતો.#Valsadpic.twitter.com/HvPIgprIMX
— VTV Gujarati News and Beyond (@VtvGujarati) June 17, 2020
તોફાની મોજાઓ સાથે દરિયાઇ વનસ્પતિ પણ દરિયા કિનારે તનાઇને આવી ગઈ હતી. આમ ભરતીના સમયે વલસાડનો જાણીતો તિથલનો દરિયો આજે રૌદ્ર સ્વરૂપમાં જોવા મળ્યો હતો. તોતિંગ મોજાને કારણે દરિયાના પાણીએ કિનારો પણ વટાવ્યો હતો. મહત્વપૂર્ણ છે કે કોરોનાને કારણે તિથલનો દરિયો પર્યટકો માટે બંધ કરવામાં આવ્યો છે. આથી પર્યટકો પણ દરિયાકિનારે નહી હોવાથી તંત્રએ રાહત અનુભવી હતી.
સુરતમાં ધોધમાર વરસાદ
રાજ્યમાં હવામાન વિભાગની આગાહી વચ્ચે સુરતમાં વહેલી સવારથી વરસાદનું આગમન થયું છે. શહેરના અનેક વિસ્તારમાં ધીમીધારે વરસાદ વરસી રહ્યો છે. રાંદેર, અડાજણ, અઠવાલાઇન્સ, નાનપુરામાં વરસાદ પડી રહ્યો છે. તો ભાગળ, પર્વત પાટિયા, ઉધના વિસ્તારમાં પણ વરસાદ વરસી રહ્યો છે.
છોટાઉદેપુરમાં વરસાદ
રાજ્યમાં વરસાદી માહોલ સર્જાયો છે. છોટાઉદેપુરમાં ધોધમાર વરસાદ પડ્યો છે. છોટાઉદેપુરમાં અઢી ઈંચ વરસાદ પડતા સમગ્ર વિસ્તારમાં પાણી પાણી થઇ ગયું છે. પાવી જેતપુરમાં અડધો ઈંચ, બોડેલીમાં પોણો ઈંચ, નસવાડીમાં અડધો ઈંચ અને કવાંટમાં સવા ઈંચ વરસાદ નોંધાયો છે. તો ભારે વરસાદને લઇ કરા, મેણ અને હેરણ નદી બે કાંઠે વહી રહી છે.
ભાવનગર જળબંબોળ
ભાવનગર વહેલી સવારથી વરસાદ શરૂ થઈ ગયો હતો. વીજળીના કડાકા સાથે વરસાદ શરૂ થયો હતો. તેજ પવન સાથે શહેરમાં વરસાદ શરૂ થયો હતો.