આગાહી / હવામાન વિભાગનું અલર્ટ: આગામી 48 કલાક આ વિસ્તારોમાં થશે તોફાની વરસાદ

• રાજ્યમાં વરસાદ અંગે હવામાન વિભાગની આગાહી
• સૌરાષ્ટ્ર અને દક્ષિણ ગુજરાતના જિલ્લાઓમાં ભારે વરસાદની શક્યતા
• મધ્ય ગુજરાતમાં આગામી 48 કલાક વરસાદી માહોલ રહેશે

48 કલાક મધ્ય ગુજરાતને ઘરમોળશે મેઘો

અમદાવાદ, ગાંધીનગરમાં પણ ભારે વરસાદની આગાહી છે સાથે સાથે વલસાડ, નવસારી, ડાંગમાં પણ વરસાદની આગાહી કરવામાં આવી છે.  વડોદરા અને સુરતમાં પણ ગાજવીજ સાથે વરસાદ પડશે. 

આગામી પાંચ દિવસ સૌરાષ્ટ્ર માટે ભારે

ભાવનગર, ગીર સોમનાથ, પોરબંદરમાં ભારે વરસાદની શક્યતા છે. હવામાન વિભાગ દ્વારા સૌરાષ્ટ્રમાં 5 દિવસ સુધી વરસાદની આગાહી કરી છે. ત્યારે આજે સવારથી સૌરાષ્ટ્રના અનેક વિસ્તારમાં વરસાદ નોંધાયો છે. રાજકોટ, જેતપુર, ગીરસોમનાથ સહિતના વિસ્તારમાં વરસાદ વરસી રહ્યો છે.

રાજકોટના યાજ્ઞિક રોડ, કાલાવાડ રોડ, મોટા મૌવા, મવડી, લક્ષ્મીનગર વિસ્તારમાં વરસાદ વરસ્યો. તો બીજી તરફ જેતપુરમાં ભારે પવન સાથે વરસાદ વરસ્યો. આ ઉપરાંત ગીરસોમનાથના વેરાવળ, તલાલા, કોડીનાર, ઉના સહિતના વિસ્તારમાં પણ વરસાદ નોંધાયો. વાવણી લાયક વરસાદથી ખેડૂતોમાં ખુશી જોવા મળી રહી છે