ગુજરાતમાં હજુ આકાશી આફત ટળી નથી. પણ હવામાન વિભાગે આગાહી કરી છે કે 3 દિવસ હળવા વરસાદ બાદ ધોધમાર વરસાદ ફરીથી ગુજરાતને ઘમરોળશે.
રાજ્યમાં વરસાદને લઇ હવામાન વિભાગની આગાહી
3 દિવસ સામાન્યથી હળવા વરસાદની આગાહી
રાજ્યમાં 29 ઓગસ્ટના સાર્વત્રિક વરસાદની આગાહી
રાજ્યમાં વરસાદને લઇ હવામાન વિભાગની આગાહી સામે આવી છે જેમાં 3 દિવસ સામાન્યથી હળવા વરસાદની આગાહી કરવામાં આવી છે. બંગાળની ખાડીમાં વેલમાર્ક લો પ્રેશર સિસ્ટમ સક્રીય છે. ત્યારે રાજ્યમાં સરેરાશ 108 % વરસાદ નોંધાયો છે. રાજ્યમાં 29 ઓગસ્ટના સાર્વત્રિક વરસાદની આગાહી છે.
ક્યાં ક્યાં પડશે વરસાદ?
29 ઓગસ્ટના દ.ગુજરાત-સૌરાષ્ટ્રમાં ભારે વરસાદની આગાહી હવામાન વિભાગે કરી છે. એ સિવાય દાદરાનગર હવેલી,નવસારી,વલસાડમાં હળવો વરસાદ રહેશે. સુરત, અમરેલી, ભાવનગરમાં પણ હળવો વરસાદ રહેશે. અમદાવાદ,વડોદરા,ગાંધીનગરમાં હળવા વરસાદની આગાહી કરવામાં આવી છે.
માછીમારોને દરિયો ન ખેડવા હવામાન વિભાગની સૂચના
3 દિવસ વરસાદનું જોર ઘટશે
ભારે વરસાદથી રાજ્યમાં 288 રોડ બંધ કરવામાં આવ્યા
રાજ્યમાં ભારે વરસાદે રસ્તાઓની હાલત ખરાબ કરી નાખી છે. ભારે વરસાદથી રાજ્યમાં 288 રોડ બંધ કરવામાં આવ્યા છે. પાણીના કારણે 2 નેશનલ હાઇવે પણ બંધ કરાયા છે...વરસાદથી રાજ્યના 46 રસ્તાઓ બંધ છે. તો ધોધમાર વરસાદે પંચાયતના 240 રોડ બંધ કરાયા છે. અમદાવાદ જિલ્લામાં પંચાયતના 9 રોડ, અરવલ્લી જિલ્લામાં 11 રોડ, સાબરકાંઠા જિલ્લામાં 7 રોડ અને કચ્છ જિલ્લામાં પંચાયતના 30 રોડ બંધ છે. જ્યારે નર્મદા જિલ્લામાં 14 રોડ, રાજકોટ જિલ્લામાં 11 રોડ, સુરેન્દ્રનગર જિલ્લામાં 34 રોડ અને જૂનાગઢ જિલ્લામાં પંચાયતના 19 રોડ બંધ કરવામાં આવ્યા છે.
વરસાદે તારજી વેરી છે
સતત વરસી રહેલ વરસાદના પગલે ખેડૂતો ત્રાહિમામ પોકારી ગયા છે, અને ભારે વરસાદના કારણે ખેડૂતો બેટમાં ફેરવાઇ જતાં પાક સંપૂર્ણ નિષ્ફળ ગયો હોવાની વ્યથા ખેડૂતો રજૂ કર્યો છે. રાજકોટ જિલ્લામાં વરસાદ આકાશી આફત બનીને ખેડૂતોના પાકને નષ્ટ કરી રહ્યો છે. રાજકોટ જિલ્લાના ઉપલેટા,.જેતપુર અને ધોરાજી, ભાયાવદર સહિતના ખેડૂતોના પાકને ભારે વરસાદના કારણે મોટું નુકસાન થયું છે.
ઉકાઈ ડેમમાં પાણીની આવક ઘટતા, તમામ ગેટ બંધ કરી દેવાયા છે. 18 હજાર કયુસેક પાણી હાઈડ્રો યુનિટ માટે છોડાઈ રહ્યું છે. સુરતમાં વિયરની જળસપાટી પણ ઘટી છે. હજુ વિયર કમ કોઝ-વે 1.6 મીટરથી ઓવરફલો થઈ રહ્યો છે
રાજ્યમાં એક દિવસમાં 142 તાલુકાઓમાં વરસાદ વરસ્યો
ગુજરાતમાં વરસાદી માહોલ યથાવત છે. રાજ્યમાં એક દિવસમાં 142 તાલુકાઓમાં વરસાદ વરસ્યો છે. જેમાં સૌથી વધારે કચ્છના લખપતમાં વરસાદ થયો છે. તો ઉત્તર ગુજરાતમાં પણ વ્યાપક વરસાદ થયો છે...મોટાભાગના તાલુકાઓમાં એકથી અઢી ઈંચ વરસાદ ખબક્યો છે.વરસાદના કારણે રસ્તાઓ પર પાણી ફરી વળ્યા છે...વરસાદની વિગતવાર વાત કરવામાં આવે તો કચ્છના લખપતમાં 2.5 ઈંચ, વાવમાં 2.5 ઈંચ, ભાભરમાં સવા 2 ઈંચ, ધાનેરામાં સવા 2 ઈંચ, દિયોદરમાં 2 ઈંચ, લાખણીમાં 2 ઈંચ અને સુઈગામમાં 2 ઈંચ વરસાદ વરસ્યો છે. જ્યારે થરાદમાં પોણા 2 ઈંચ, કાંકરેજમાં પોણા 2 ઈંચ, અમીરગઢમાં પોણા 2 ઈંચ, અંજારમાં પોણા 2 ઈંચ, ડીસામાં 1.5 ઈંચ, વિજયનગરમાં 1.5 ઈંચ, વડાલીમાં 1.5 ઈંચ, ગાંધીધામાં 1.5 ઈંચ, પાલનપુરમાં 1 ઈંચ અને ભુજમાં 1 ઈંચ વરસાદ થયો છે