રાજ્યમાં વરસાદી માહોલ યથાવત રહેશે. શ્રાવણમાં ભરપૂર વરસ્યા બાદ ભાદરવામાં પણ મેઘરાજા મહેરબાન રહેશે.
રાજ્યમાં યથાવત રહેશે વરસાદી માહોલ
બંગાળની ખાડીમાં વરસાદી સિસ્ટમ સક્રીય
22-23 ઓગસ્ટના ભારેથી અતિભારે વરસાદની આગાહી
રાજ્યમાં વરસાદી માહોલ યથાવત રહેશે. બંગાળની ખાડીમાં વરસાદી સિસ્ટમ સક્રીય થઇ છે. 22-23 ઓગસ્ટના ભારેથી અતિભારે વરસાદની આગાહી કરવામાંં આવી છે. ઉતર ગુજરાત, સૌરાષ્ટ્ર-કચ્છમાં વરસાદની આગાહી કરવામાં આવી છે. 25 ઓગસ્ટ પછી રાજ્યમાં વરસાદનું ઝોર ઘટશે. 23 ઓગસ્ટ બાદ લો પ્રેસર બંગાળની ખાડીમાં સર્જાશે. અત્યાર સુધી રાજ્યમાં 87 % વરસાદ વરસ્યો છે.
માછીમારોને દરિયો ન ખેડવા આદેશ
રાજ્યમાં સાર્વત્રિક વરસાદની આગાહી કરવામાં આવી છે. બંગાળની ખાડીની સિસ્ટમ લો પ્રેશરમાં પરિવર્તીત થવાથી ભારે વરસાદની આગાહી કરાઇ છે. હાલ આ સિસ્ટમનો ટ્રેક ગુજરાત તરફ આગળ વધી રહ્યો છે. રાજ્યમાં 21થી 24 ઓગસ્ટ સુધી સાર્વત્રિક વરસાદની આગાહી કરાઇ છે. તો મધ્ય-પૂર્વ ગુજરાતમાં ભારેથી અતિભારે વરસાદ થઇ શકે છે. જ્યારે ઉત્તર ગુજરાત અને સૌરાષ્ટ્રમાં પણ સાર્વત્રિક વરસાદની આગાહી કરવામાં આવી છે. તો કચ્છમાં 2થી 6 ઇંચ સુધી વરસાદ પડે તેવી શક્યતા છે
પાટણમાં ભારે વરસાદથી અનેક વિસ્તારોમાં પાણી ભરાયા છે. આ વરસાદથી થયેલી નુકશાનીનો વિડીયો વાયરલ થયો છે. સોની વાડા વિસ્તારમાં પાણીના પ્રવાહમાં વાહનો તણાય ગયા છે. મોડી સાંજે વરસાદી પાણીમાં તણાતા વાહનનો વીડિયો સામે આવ્યો છે.
પંચમહાલમાં શહેરાના મુખ્ય માર્ગો પર પાણી ભરાય ગયું છે. રેફરલ હોસ્પિટલમાં પણ વરસાદી પાણી ભરાય ગયા છે. આથી સારવાર માટે આવતા દર્દીઓ મુશ્કેલીમાં મુકાય ગયા છે. હાઇવે પર પાણી ભરાતા વાહનચાલકોને મુશ્કેલી થઇ છે.
દ્વારકાના ખંભાળિયામાં વરસાદ શરૂ થયો છે. નગર ગેઇટ, રેલવે સ્ટેશન વિસ્તારમાં વરસાદ થયો છે. ચાર રસ્તા, હરસિદ્ધીનગર સહિત વિસ્તારોમાં વરસાદ થયો છે. ખંભાળીયા સહીત આસપાસના વિસ્તારમાં પણ વરસાદ થયો છે.
ભરૂચ શહેરમાં વરસાદ શરુ છે. સતત 7 દિવસથી વરસાદ વરસી રહ્યો છે. કાળા ડિબાંગ વાદળ વચ્ચે વરસાદ શરૂ છે. ભરૂચ શહેર અને ગ્રામ્ય વિસ્તારમાં વરસાદ થોયો છે. ધીમીધારે વરસાદ સતત થઇ રહ્યો છે. ભરૂચ, અંકલેશ્વર અને આસપાસના વિસ્તારોમાં વરસાદ થયો છે.