ગુજરાતમાં ચાર દિવસ ભારેથી અતિભારે વરસાદની આગાહી છે જેમાં દ. ગુજરાત જળબંબોળ બન્યુ હતુ. વલસાડના ઉમરગામમાં મેઘરાજા વધુ જ મહેરબાન થઈ ગયા હતા જેને પગલે પૂરની સ્થિતિનુ નિર્માણ થયું હતુ જો કે NDRFની ટીમથી ફસાયેલા લોકોનું રેસ્ક્યુ કરાયું હતુ.
ઉમરગામમાં 24 કલાકમાં 14.5 ઇંચ વરસાદ ખાબક્યો, સંજાણ વિસ્તારમાં ભરાયા પાણી
NDRF ટીમ દ્વારા કરાયું રેસ્ક્યૂ ઓપરેશન
પાણીમાં ફસાયેલા લોકોનુ કરાયું રેસ્ક્યૂ
વલસાડના ઉમરગામ પંથકમાં મેઘરાજા મહેરબાન થયા છે. ઉમરગામમાં છેલ્લા 24 કલાકમાં 14.5 ઇંચ વરસાદ ખાબક્યો છે. ભારે વરસાદના કારણે ઉમરગામના નીચાણવાળા વિસ્તારમાં પાણી ભરાયા છે. સંજાણ વિસ્તારમાં પાણી ભરાતા લોકો હાલાકી ભોગવવાનો વારો આવ્યો છે. તો બીજી તરફ NDRF ટીમ દ્વારા પાણીમાં ફસાયેલા લોકોનું રેસ્ક્યૂ ઓપરેશન કરવામાં આવ્યું છે.
બંગાળની ખાડીમાં સર્જાયેલા લો પ્રેશરના કારણે સૌરાષ્ટ્ર, દક્ષિણ ગુજરાત અને કચ્છમાં સારા વરસાદ પડે તેવું હવામાન વિભાગે અનુમાન લગાવ્યું છે. માછીમારોને દરિયો ન ખેડવા સૂચના આપી દેવામાં આવી છે.
માછીમારોને 7 ઓગસ્ટ સુધી દરિયો ન ખેડવા સુચના
4, 5 અને 6 ઓગષ્ટ દક્ષિણ ગુજરાતમાં ભારે વરસાદની આગાહી કરાઇ છે. જ્યારે 7 ઓગષ્ટે સૌરાષ્ટ્ર અને કચ્છના કેટલાક જિલ્લા ભારે વરસાદના હવામાન વિભાગે સંકેત આપ્યા છે. ભારે વરસાદની શક્યતાને જોતા 5 ઓગષ્ટ સુધી દરિયો ન ખેડવા સુચના અપાઇ છે. રાજ્યમાં અત્યાર સુધીમાં 43 ટકા વરસાદ થયો છે.
ક્યાં કેટલો વરસાદ?
રાજ્યમાં જુલાઇ મહિનામાં ઓછો વરસાદ પડ્યો છે. આ વર્ષે જુલાઇ મહિનામાં 42 ટકા વરસાદ પડ્યો છે. જુલાઇમાં અનેક વિસ્તારમાં ઓછો વરસાદ રહ્યો છે. જેમાં સિઝનનો 42.33 ટકા વરસાદ રહ્યો છે. વરસાદ ઓછો રહેતા ખેડૂતો ચિંતામાં છે. આ વર્ષે જુલાઇમાં 13.8 ઇંચ વરસાદ પડ્યો છે. જેમાં કચ્છમાં સૌથી વધુ વરસાદ 14.4 ઇંચ. ઉત્તર ગુજરાતમાં સૌથી ઓછો વરસાદ 7.8 ઇંચ અને સૌરાષ્ટ્રમાં 19.2 ઇંચ વરસાદ છે. જ્યારે મધ્ય ગુજરાતમાં 9 ઇંચ વરસાદ નોંધાયો છે.
ચાર દિવસ કયા વિસ્તારમાં વરસશે વરસાદ?
4 ઓગસ્ટ: વલસાડ, દમણ, દાદરા નગર હવેલી
5 ઓગસ્ટ: વલસાડ, નવસારી, દમણ, દાદરા નગર હવેલી, ભરૂચ, સુરત, અમરેલી, ભાવનગર અને ગીર સોમનાથ