ગુજરાતના કેટલાક વિસ્તારોમાં હજી પણ પડી શકે છે વરસાદ. રાજ્યના અનેક જિલ્લાને હજી ઘમરોળતો રહેશે મેઘરાજા. વરસાદને લઇ હવામાન વિભાગે આગાહી કરી છે. હવામાન વિભાગનું માનીયે તો સૌરાષ્ટ્ર અને કચ્છમાં હળવો વરસાદ યથાવત રહેશે. રાત્રે 8 વાગ્યા સુધીમાં સૌરાષ્ટ્રના મોટાભાગના જિલ્લામાં વરસાદ પડી શકે છે.
અમરેલી, ભાવનગર, બોટાદ અને રાજકોટમાં વરસાદની આગાહી કરવામાં આવી છે..તો જામનગર, મોરબી, સુરેન્દ્રનગર, જૂનાગઢ અને ગીરસોમનાથમાં પણ ધીમીધારે વરસાદ પડી શકે છે. સાથે સાથે અમદાવાદ અને ગાંધીનગરમાં પણ અવિરત વરસાદ પડતો રહે તેવી શક્યતા છે. આ તરફ કચ્છમાં પણ હળવા વરસાદની આગાહી કરવામાં આવી છે. તો ખેડા, આણંદ અને ગાંધીનગર પણ ઢળતી સાંજે વરસાદ પડે તેવી હવામાન વિભાગે શક્યતા વ્યક્ત કરી છે.
હવામાન વિભાગની આગાહી શું?
સૌરાષ્ટ્ર-કચ્છમાં હજી પડશે વરસાદ
સૌરાષ્ટ્રના મોટાભાગના જિલ્લામાં પડી શકે વરસાદ
રાત્રે 8 વાગ્યા સુધી અનેક જિલ્લામાં પડશે વરસાદ
હળવા વરસાદની હવામાન વિભાગની આગાહી
અમરેલી, ભાવનગર, બોટાદ, રાજકોટમાં પડી શકે વરસાદ
જામનગર, મોરબી, સુરેન્દ્રનગરમાં પણ વરસી શકે છે વરસાદ